'ప్రాజెక్ట్ కె'లో ఆ ముగ్గురు స్టార్స్‌.. అదెలా?

పాన్ ఇండియా స్టార్ ప్ర‌భాస్ ప్ర‌స్తుతం బ్యాక్ టు బ్యాక్ భారీ స్థాయిలో తెర‌కెక్కుతున్న మూడు పాన్ ఇండియా ప్రాజెక్ట్ ల‌లో న‌టిస్తున్నాడు. ఇందులో ఇప్ప‌టికే షూటింగ్ పూర్తి చేసుకుని మైథ‌లాజిక‌ల్ డ్రామా 'ఆదిపురుష్‌'రిలీజ్ కి రెడీ అవుతూ పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది. మ‌రో రెండు సినిమాలు చిత్రీక‌ర‌ణ ద‌శ‌లో వున్నాయి. ప్ర‌శాంత్ నీల్ తో చేస్తున్న 'స‌లార్‌'పై భారీ అంచ‌నాలు నెల‌కొన్న విష‌యం తెలిసిందే.

ఈ మూవీతో పాటు ప్ర‌భాస్ 'మ‌హాన‌టి' ఫేమ్ నాగ్ అశ్విన్ డైరెక్ట్ చేస్తున్న సైన్స్ ఫాంట‌సీ ఫిక్ష‌న్ 'ప్రాజెక్ట్ కె'లో న‌టిస్తున్నారు. ఈ మూవీ చిత్రీక‌ర‌ణ దాదాపుగా 50 శాతం పూర్త‌యింద‌ని ఇటీవ‌లే ఈ మూవీ ప్రొడ్యూస‌ర్ సి. అశ్వ‌నీద‌త్ వెల్ల‌డించారు.

ఇదిలా వుంటే ఈ మూవీలో మ‌రో ముగ్గురు స్టార్స్ హీరోలు న‌టిస్తున్నారంటూ ప్ర‌చారం మొద‌లైంది. 'ప్రాజెక్ట్ కె' మూవీ గురించి గూగుల్ లో సెర్చ్ చేస్తే ఈ మూవీలో ప్ర‌భాస్, దీపికా ప‌దుకునే, అమితాబ్ బ‌చ్చ‌న్, దిషా ప‌టానీతో పాటు మ‌రో ముగ్గురు క్రేజీ స్టార్ ల ఫొటోలు క‌నిపించ‌డం వైర‌ల్ గా మారింది.

ఆ స్టార్స్ మ‌రెవ‌రో కాదు సూప‌ర్ స్టార్ మ‌హేష్ బాబు, దుల్క‌ర్ స‌ల్మాన్‌, సూర్య‌. 'ప్రాజెక్ట్ కె' కాస్ట్ అండ్ క్రూ గురించి వెతికితే వీళ్ల పేర్లు ఫొటోలు రావ‌డంతో అస‌లు ఏం జ‌రుగుతోంద‌నే చ‌ర్చ మొద‌లైంది. ప్రధానంగా ప్ర‌భాస్ ఫ్యాన్స్ లో తీవ్ర గంద‌ర‌గోళం మొద‌లైంది.

ఏంటీ ఇది నిజ‌మా? అని ఆరా తీయ‌డం మొద‌లు పెట్టారట‌. అయితే ఇందులో వున్న నిజ‌మెంత? సూప‌ర్ స్టార్ మ‌హేష్ బాబు, దుల్క‌ర్ స‌ల్మాన్‌, సూర్య నిజంగానే ఈ మూవీలో న‌టిస్తున్నారా? అని ఆరాతీయ‌డం మొద‌లు పెట్టార‌ట‌.  

అయితే ఇది గూగుల్ చేసిన బ్లెండ‌ర్ అని తేల‌డంతో రిలాక్స్ అయ్యార‌ట‌. గ‌త కొంత కాలంగా గూగుల్ ఇలాంటి చిత్ర విచిత్రాల‌ని నెటిజ‌న్ ల‌కు ప‌రిచ‌యం చేస్తూ గంద‌ర‌గోళాన్ని సృష్టిస్తున్న విష‌యం తెలిసిందే. 'ప్రాజెక్ట్ కె' విష‌యంలోనూ గూగుల్ చేసిన త‌ప్పిదం ఇలా ఫ్యాన్స్ ని కంగారు పెట్టించింద‌ని ప‌లువురు సెటైర్లు వేస్తున్నారు. టైమ్ ట్రావెల్ కాన్సెప్ట్ తో సాగే ఈ సైన్స్ ఫిక్ష‌న్ మూవీకి సింగీతం శ్రీ‌నివాస‌రావు మెంట‌ర్ గా వ్య‌వ‌హ‌రిస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.