శివ నిర్వాణ మూవీలో VD క్యారెక్ట‌ర్ ఇదేనా?

`అర్జున్‌రెడ్డి`తో స్టార్ హీరోల జాబితాలో చేరిపోయాడు రౌడీ స్టార్ విజ‌య్ దేవ‌ర‌కొండ‌. ప్ర‌స్తుతం పాన్ ఇండియా టార్గెట్ తో ఆయ‌న చేస్తున్న మూవీ `లైగ‌ర్‌`. వెర్స‌టైల్ డైరెక్ట‌ర్ పూరి పూరి జ‌గ‌న్నాథ్ డైరెక్ట్ చేస్తున్న ఈమూవీ చిత్రీక‌ర‌ణ పూర్తి చేసుకుని ప్ర‌స్తుతం పోస్ట్ ప్రొడ‌క్ష‌న్ కాక‌ర్య‌క్ర‌మాలు జ‌రుపుకుంటోంది. స్ల‌మ్ ఏరియాలో వుండే ఛాయ్ వాలా ఎలా ఇంట‌ర్నేష‌ల్ ఛాంపియ‌న్ అయ్యాడు?.. దేశానికి ఎలా పేరు తీసుకొచ్చాడు? అన్న‌దే ఈ చిత్ర ప్ర‌ధాన ఇతివృత్తం. ఇందులో విజ‌య్ దేవ‌ర‌కొండ బాక్స‌ర్ గా క‌నిపించబోతున్న విష‌యం తెలిసిందే.

ఈ మూవీ షూటింగ్ పూర్త‌వ‌డంతో స్పీడు పెంచిన విజ‌య్ దేవ‌ర‌కొండ వ‌రుస‌గా రెండు చిత్రాల‌ని ట్రాక్ ఎక్కించారు. ఇప్ప‌టికే పూరి జ‌గ‌న్నాథ్ డ్రీమ్ ప్రాజెక్ట్ `జెజిఎమ్‌` ( జ‌న‌గ‌ణ‌మ‌న‌) ని ముంబైలో భారీ స్థాయిలో ప్రారంభించిన విష‌యం తెలిసిందే. ఈ మూవీ రెగ్యుల‌ర్ షూటింగ్ త్వ‌ర‌లో ప్రారంభం కాబోతోంది.

దేశ భ‌ఖ్తి ప్ర‌ధానంగా సాగే ఈ చిత్రంలో విజ‌య్ దేవ‌ర‌కొండ ప‌వ‌ర్ ఫుల్ గా సాగే మిల‌ట‌రీ ఆఫీస‌ర్ పాత్ర‌లో క‌నిపించ‌బోతున్నారు. పూరి జ‌గ‌న్నాథ్ ఎన్నో ఏళ్లుగా ఈ ప్రాజెక్ట్ ని తెర‌పైకి తీసుకురావాల‌ని ప్ర‌య‌త్నాలు చేశారు. చివ‌రికి విజ‌య్ దేవ‌ర‌కొండ‌తో సెట్స్ పైకి తీసుకెళుతున్నారు. భారీ స్థాయిలో పాన్ ఇండియా వైడ్ గా ఈ మూవీ రిలీజ్ కానుంది.

ఇదిలా వుంటే తాజాగా మ‌రో చిత్రానికి విజ‌య్ దేవ‌ర‌కొండ గ్రీన్ సిగ్న‌ల్ ఇచ్చేశారు. ఈ చిత్రానికి శివ నిర్వాణ ద‌ర్శ‌క‌త్వం వ‌హిస్తున్నారు. స‌మంత హీరోయిన్ గా న‌టిస్తున్న ఈ మూవీ శుక్ర‌వారం హైద‌రాబాద్ లో లాంఛ‌నంగా పూజా కార్య‌క్ర‌మాల‌తో మొద‌లైంది. మైత్రీ మూవీ మేక‌ర్స్ ఈ చిత్రాన్ని నిర్మిస్తున్నారు.

క‌శ్మీర్ నేప‌థ్యంలో సాగే రొమాంటిక్ ల‌వ్ స్టోరీగా ఈ చిత్రాన్ని తెర‌కెక్కించ‌బోతున్నారు. `మ‌హాన‌టి` చిత్రంలో జ‌ర్న‌లిస్ట్ మ‌ధుర‌వాణిగా స‌మంత‌, ఫొటో జ‌ర్న‌లిస్ట్ విజ‌య్ ఆంటోని గా విజ‌య్ దేవ‌ర‌కొండ క‌లిసి న‌టించారు. సినిమాలోని ఒక‌టి రెండు స‌న్నివేశాల్లో వీరి మ‌ధ్య ల‌వ్ ట్రాక్ ని కూడా చూపించారు.

ఆ కొద్ది సేపే అయినా వీరిద్ద‌రి మ‌ధ్య చూపించిన ల‌వ్ ట్రాక్, ఇద్ద‌రి మ‌ధ్య కుదిరిన కెమిస్ట్రీ ఆడియ‌న్స్ ని విశేషంగా ఆక‌ట్టుంది. ఇప్పుడు ఇదే జంట పూర్తి స్థాయిగా తాజా చిత్రంలో రొమాంటిక్ క‌పుల్ గా అల‌రించడానికి రెడీ అవుతున్నారు. ఇప్పుడు ఇదే ఈ మూవీకి ప్ర‌ధాన ప్లస్ పాయింట్ గా మారింది. అంతే కాకుండా శివ నిర్వాణ తెర‌కెక్కిస్తున్న రొమాంటిక్ ఫ్యామిలీ డ్రామాలో విజ‌య్ దేవ‌ర‌కొండ క్యారెక్ట‌ర్ ఏంటీ? ఎలా వుండ‌బోతోంది? అన్న‌ది ఇప్ప‌డు ఆస‌క్తి మొద‌లైంది.

ఈ చిత్రం స్పోర్ట్స్ నేప‌థ్యంలో సాగుతుంద‌ని, అయితే ఇది రెగ్యుల‌ర్ స్పోర్ట్స్ డ్రామా కాద‌ని, చాలా కొత్త‌గా అడ్వెంచ‌ర‌స్ స్పోర్ట్స్ డ్రామా గా సాగుతుంద‌ని చెబుతున్నారు. అంతే కాకుండా ఈ చిత్రంలో హీరో విజ‌య్ దేవ‌ర‌కొండ బైక‌ర్ గా క‌నిపిస్తార‌ని, ఈ నాత్ర చాలా కొత్త‌గా వుంటుంద‌ని తెలిసింది. అయితే సినిమా మాత్రం ల‌వ్‌, ఫ్యామిలీ ఎమోష‌న్స్ ప్ర‌ధానంగా సాగుతుందని, క‌శ్మీర్ నేప‌థ్యంలో తెర‌కెక్కించే స‌న్నివేశాలు చిత్రానికి ప్ర‌ధాన హైలైట్ గా నిలుస్తాయ‌ని అంటున్నారు.