జన గణ మణ.. ఇక ఆపెయ్యండి

టాలీవుడ్ సూపర్ స్టార్ మహేష్ బాబుతో మాస్ డైరెక్టర్ పూరీ జగన్నాథ్ కలిసి.. పోకిరీ బాక్సాఫీస్ ని కుమ్మేసిన రోజు ఇదే. అందుకే అదే రోజున మహేష్ తో కొత్త సినిమా అంటూ.. 'జన గణ మన'  అనే టైటిల్ ని అనౌన్స్ చేశాడు పూరీ. ఈ టైటిల్ వినగానే ఇండస్ట్రీ జనాలు ఒక్కసారిగా ఉలిక్కిపడ్డారు.

జన గణ మన అనే టైటిల్ చాలా రోజులుగా ఇండస్ట్రీలో నానుతోంది. అప్పుడెప్పుడో  ఈ టైటిల్ పై పవన్ కళ్యాణ్ ఓ సినిమా చేస్తున్నాడంటూ టాక్ వచ్చింది. ఆ ప్రాజెక్ట్ పట్టాలెక్కలేదు. ఆ తర్వాత కృష్ణ వంశీ కూడా ఓ దేశభక్తి సినిమా తీస్తాడని.. దానికి జనగణమన అనే టైటిల్ పెడుతున్నాడని అన్నారు కానీ.. అదేమయ్యిందో తెలీదు. రీసెంట్ గా జ్యోతి లక్ష్మి ఛార్మి కూడా జనగణమన ఓ దేశభక్తి సినిమా నిర్మిస్తోందని.. లీడ్ హీరోయిన్ గా యాక్ట్ చేస్తోందని వార్తలొచ్చాయి. దీని సంగతి తేలలేదు.

అయితే.. కొన్ని నెలల క్రితం దిల్ రాజు జనగణమన అనే టైటిల్ ని రిజిస్టర్ చేయించాడు. క్రిష్ దర్శకత్వంలో వరుణ్ తేజ్ కోసం ఈ టైటిల్ అని అంతా అనుకున్నారు. ఇన్ని రూమర్ల తర్వాత ఇప్పుటికి ఈ టైటిల్ పై ఓ క్లారిటీ వచ్చింది. అది కూడా ఎవరూ ఊహించని విధంగా.. మహేష్ బాబుకి జన గణ మన అనే టైటిల్ ని కేటాయించాడు పూరీ జగన్నాథ్. మొత్తానికి టైటిల్ తోనే స్ట్రోక్ ఇచ్చిన పూరీ.. సినిమాతో ఇండస్ట్రీకి మాస్టర్ స్ట్రోక్ ఇస్తానని ధీమాగా ఉన్నాడు. మొత్తానికి ఇక 'జనగణమన' అనే టైటిల్ పై ఇక అందరూ రూమర్లు ఆపేసి.. సైలెంట్ అయిపోవచ్చు.