ఫస్ట్ డే కలక్షన్స్: పిచ్చెక్కించిన ఎన్టీఆర్

మామూలుగా అంటే మామూలుగా కాదు. మొన్నటివరకు తన స్టార్డమ్ కు ఎంతటి సత్తా ఉన్నా కూడా.. ఎందుకు ఆ రేంజ్ ను ఎన్టీఆర్ సరిగ్గా అందుకోలేదనే చెప్పాలి. అయితే ఇప్పుడు మాత్రం వరుసగా టెంపర్ - నాన్నకు ప్రేమతో సినిమాలతో డిఫరెంట్ ఎన్టీఆర్ అనిపించుకున్న యంగ్ టైగర్.. జనతా గ్యారేజ్ అసలు తన బాక్సాఫీస్ కెపాసిటీ ఏంటో ప్రూవ్ చేసుకునే పనిలో పడ్డాడు.

మన తెలుగు రాష్ట్రాలలో  టాప్ 5 మొదటి రోజు కలక్షన్లను తీసుకుంటే.. అందులో మొన్నటి వరకు బాహుబలి - సర్దార్ - శ్రీమంతుడు - బ్రూస్ లీ - బ్రహ్మోత్సవం వుండేవి. ఇందులో ఏ పొజిషన్లో ఎన్టీఆర్ ఉంటాడు అనే అంచనాలను వేసిన జనాలకు.. ఇదిగో రిజల్టు. మొత్తంగా తెలంగాణలో 5.51 కోట్లు.. ఆంధ్రలో సీడెడ్ 3.5 కోట్లు - వైజాగ్ 2.30 కోట్లు - ఈస్ట్ 2.28 కోట్లు - వెస్ట్ 1.84 - కృష్ట 1.54 కోట్లు - గుంటూరు 2.58 కోట్లు.. వగైరా వగైరా కలుపుకుని.. ఏకంగా 20.49 కోట్లు ''షేర్‌'' వసూలు చేసుకొచ్చాడు బడ్డోడు. తృటిలో ''సర్దార్'' తొలిరోజు షేర్ అయిన 20.92 కోట్లను మిస్సయ్యి.. 3వ పొజిషన్లో ఉన్నాడు. నైజాం ఏరియా అంతటా  భారీ వర్షాలు లేకపోతే ఎన్టీఆర్ ఫస్ట్ ప్లేస్ లోకి చేరిపోయేవాడు.  తొలిరోజు షేర్లలో బాహుబలి 22.4 కోట్ల షేర్ తో మొదటి స్థానంలో ఉన్న సంగతి తెలిసిందే.

కొరటాల శివ చెక్కిన నేచర్ లవర్ లుక్.. ఎన్టీఆర్ అసమాన నటన.. మోహన్ లాల్ అద్భుతహ అనిపించే నటచాతుర్యం.. దేవశ్రీ ప్రసాద్ అందించి కొన్ని పాటలు.. కాజల్ అందాలు.. మొత్తంగా తొలి రికార్డుకు ఈ రేంజ్ లో రిపైర్ చేసేయ్.