నితిన్.. తేజూ.. అతనూ ఉన్నాడమ్మా!

ఎట్టకేలకు బోయపాటి శ్రీను-బెల్లంకొండ శ్రీనివాస్ కాంబినేషన్లో తెరకెక్కుతున్న సినిమా టైటిల్ ప్రకటించారు. ‘జయ జానకి నాయక’ అనే పొయెటిక్ టైటిల్ తో అందరినీ ఆశ్చర్యానికి గురి చేశాడు బోయపాటి. మాస్ మసాలా సినిమాలు తీస్తూ.. ఆ తరహా టైటిళ్లే పెట్టే బోయపాటి ఇలాంటి టైటిల్ పెట్టడంలో ఆంతర్యమేంటా అని ఇప్పుడందరూ చర్చించుకుంటున్నారు. టైటిల్ లోగో లాంచ్ చేస్తూనే ఈ సినిమా రిలీజ్ డేట్ కూడా ప్రకటించింది చిత్ర బృందం. ఆగస్టు 11న ‘జయ జానకి నాయక’ రిలీజవుతుందని నిర్మాత మిర్యాల రవీందర్ రెడ్డి తెలిపాడు. ముందు ఈ సినిమాను జులై 7నే రిలీజ్ చేయాలనుకున్నారు.

ఐతే అప్పటికి సినిమా రెడీ కావడం కష్టమవుతుందని.. పైగా ఇండిపెండెన్స్ డే వీకెండ్ అయితే బాగా కలిసొస్తుందని భావించి.. ఆగస్టు 11కు సినిమాను ఫైనలైజ్ చేశారు. అప్పటికి రెండు వారాల ముందే సినిమా రెడీ అయ్యేట్లున్నప్పటికీ.. మంచి డేట్ కావడంతో దాన్ని ఎంచుకున్నామని రవీందర్ రెడ్డి తెలిపాడు. ఐతే నితిన్ సినిమా ‘లై’.. సాయిధరమ్ తేజ్ మూవీ ‘జవాన్’లను కూడా ఆగస్టు 11నే విడుదల చేయబోతున్నట్లుగా వార్తలొచ్చాయి. అందరూ ఆ పోటీ గురించి చర్చించుకుంటున్న సమయంలోనే ఇప్పుడు బోయపాటి-బెల్లంకొండ సినిమాను ఆగస్టు 11న రిలీజ్ చేయబోతున్నట్లు అధికారిక ప్రకటన వచ్చేసింది. మరి నితిన్.. తేజు కూడా అదే డేటుకు వస్తారా లేక సర్దుబాటు చేసుకుంటారా అన్నది ఆసక్తికరం.

Like Us on Facebook : https://www.facebook.com/Tupakidotcom/