యంగ్ బ్యూటీ చనిపోతే తట్టుకోలేరేమో!!

అలనాటి అందాల తార శ్రీదేవి.. ఇప్పుడు తన పెద్ద కూతురు జాన్వి కపూర్ ను హీరోయిన్ చేస్తున్న సంగతి తెలిసిందే. మరాఠీ మూవీ సైరత్ ను హిందీలో ధడక్ పేరుతో రీమేక్ చేస్తుండగా.. ఈ చిత్రంలో ఇషాన్ ఖట్టర్ కు జోడీగా నటించనుంది జాన్వి. ఇప్పటికే ఈ మూవీకి సంబంధించిన పోస్టర్లు ఇంటర్నెట్ లో హల్ చేస్తున్నాయి. జాన్వి కపూర్ లుక్స్ కు యూత్ ఫిదా అయిపోతున్నారు కూడా.

అయితే.. సైరత్ మూవీ కాన్సెప్ట్ ను చూస్తే.. ప్రేమ ఫీలింగ్ ఎంతో లోతుల నుంచి చూపిస్తారు. టీనేజ్ లో ఉండే భావాలను యథాతథంగా చూపించడమే ఈ సినిమా కాన్సెప్ట్. కానీ అసలు విషయం ఏంటంటే.. ఈ చిత్రం నెగిటివ్ ఎండింగ్. అంటే.. హీరో - హీరోయిన్స్ ఇద్దరినీ.. పరువు పేరిట దారుణంగా చంపేస్తారు హీరోయిన్ రిలెటివ్స్. ఆ పాయింట్ ను యాజ్ ఇటీజ్ గా ఉంచుతారా.. లేక సినిమా కోసం.. శ్రీదేవి అభిమానుల కోసం మార్చేస్తారా అనే అంశంపై ఇప్పుడు ఆసక్తికరమైన డిస్కషన్స్ జరుగుతున్నాయి.

ఇప్పుడిలా జాన్వి పై రోజుకో పోస్టర్  రిలీజ్ చేస్తూ.. తర్వాత వారానికో సారి కొత్త కొత్త అందాలను పరిచయం చేస్తూ ఊరించి.. తీరా సినిమా చూసేందుకు వచ్చేసరికి.. ఆమె పాత్రను చివరలో దారుణంగా చంపేస్తే.. అంటే క్లైమాక్స్ లో ఆమె చచ్చిపోతే అభిమానులు తట్టుకుంటారా? మొదటి సినిమాలోనే ఇలా చనిపోయే పాత్రను చేయిస్తారా అన్న అంశానికి ఇంకా ఆన్సర్ దొరకలేదు. అయితే.. సైరత్ ను రీమేక్ చేస్తున్నా.. హిందీ వెర్షన్ కు అనుకూలంగా మార్చే అవకాశాలున్నాయనే టాక్ వినిపిస్తోంది.