పింక్ బనారసి చీర‌లో శ్రీ‌యందం
అంద‌మైన న‌వ్వు.. అద్భుత‌మైన ముఖాభిన‌యం.. మ‌న‌సు దోచే నృత్యం.. ఆల్ రౌండ‌ర్ ప్ర‌తిభ‌తో శ్రీయ శ‌ర‌ణ్ దేశ‌వ్యాప్తంగా అభిమానుల‌ను సంపాదించుకుంది.
అంద‌మైన న‌వ్వు.. అద్భుత‌మైన ముఖాభిన‌యం.. మ‌న‌సు దోచే నృత్యం.. ఆల్ రౌండ‌ర్ ప్ర‌తిభ‌తో శ్రీయ శ‌ర‌ణ్ దేశ‌వ్యాప్తంగా అభిమానుల‌ను సంపాదించుకుంది. కేవ‌లం తెలుగు, తమిళ ప‌రిశ్ర‌మ‌ల్లోనే కాకుండా హిందీలోను శ్రీయ త‌న న‌ట‌నా కెరీర్ కార‌ణంగా భారీ ఫాలోయింగ్ పెంచుకుంది.
బ్యాడ్మింట‌న్ క్రీడాకారుడు ఆండ్రీ కోశ్చీవ్ ని ప్రేమించి పెళ్లాడాక శ్రీయ పూర్తిగా ముంబైలో సెటిలైంది. అటుపై న‌టిగా ప్ర‌య‌త్నాలు కొన‌సాగిస్తోంది. కొన్ని అద్భుత‌మైన చిత్రాల్లోను శ్రీయ న‌టించింది. మ‌రోవైపు సోష‌ల్ మీడియాల్లో నిరంత‌ర ఫోటోషూట్లు, వీడియో షూట్ల‌ను షేర్ చేస్తూ అభిమానుల‌కు ట‌చ్ లో ఉంది.
తాజాగా శ్రీయ శ‌ర‌ణ్ షేర్ చేసిన మ్యూజిక్ వీడియో వైర‌ల్ గా మారుతోంది. `ఆయియే రామ్ జీ` అంటూ సాగే భ‌క్తిర‌స గీతంలో శ్రీయ న‌టించింది. ఈ పాట‌కు సంబంధించిన స్నాప్‌లను కూడా షేర్ చేసింది. ఈ మ్యూజిక్ వీడియో ఆద్యంతం శ్రీ‌రాముని స‌మ్మోహ‌నంతో ఎంతో ఆక‌ర్ష‌ణీయంగా క‌నిపిస్తున్నా.. శ్రీయ పింక్ చీర అందం మ‌రోవైపు ఆడియెన్ మ‌న‌సులు గెలుచుకుంది. శ్రీయ అద్భుత అభిన‌యంతో పాటు, పింక్ చీర నుండి కళ్ళు తిప్పుకోవ‌డం అంత సులువు కాదు.
బనారసి సాంప్రదాయ చీర‌లో శ్రీయ ఎంతో క్లాసిక్ గా క‌నిపిస్తోంది. ఎంపిక చేసుకున్న ట్యూన్ కి త‌గ్గ‌ట్టే అద్భుత‌మైన ఆహార్యంతో క‌ట్టి ప‌డేస్తోంది. మోచేయి వరకు పొడవు గల స్లీవ్స్ ధ‌రించి పూర్తిగా పాతకాలపు ప‌డ‌తిని గుర్తు చేసింది. అల్ట్రా మోడ్ర‌న్ లుక్ అయినా, సాంప్రదాయ చీర క‌ట్టు అయినా శ్రీయ త‌న‌దైన స్మైల్ తో క‌ళ్లు తిప్పుకోనివ్వ‌దు. ప్ర‌స్తుతం ఈ మ్యూజిక్ వీడియోతో పాటు , శ్రీయ శారీ లుక్ వైర‌ల్ గా మారుతున్నాయి.