త్రోబ్యాక్ పిక్ః బాల‌రాముడిగా మెరిసిపోతున్న జూనియ‌ర్ ఎన్టీఆర్!

ఒక్క ఫొటో.. జీవితాన్ని క్షణాల్లో సంవ‌త్స‌రాల వెన‌క్కు తీసుకెళ్తుంది. ఆ పాత మ‌ధురాల‌ను మ‌రోసారి మ‌నసు తెర‌పై ప్ర‌ద‌ర్శిస్తుంది. అల‌నాటి జ్ఞాప‌కాల ప‌రిమ‌ళాల‌ను మ‌రోసారి అనుభ‌వించేలా చేస్తుంది. ఇది జూనియ‌ర్ ఎన్టీఆర్ బాల‌రాముడిగా న‌టించిన‌ ‘బాల రామాయ‌ణం’ చిత్రానికి సంబంధించిన‌ స్టిల్.

ఇవాళ జూనియర్ ఇంత పెద్ద స్టార్ అవుతార‌ని ఈ ఫొటోలో ఉన్న‌వాళ్లెవ్వ‌రూ అనుకొని ఉండ‌క‌పోవ‌చ్చు. అంతేకాదు.. ఈ ఫొటోలో ఉన్న‌వారు ఇప్పుడు ఏ పొజీష‌న్లో ఉన్నారో కూడా తెలియ‌దు. వాళ్లంతా ఈ ఫొటో చూస్తే.. ఎంత ఉద్విఘ్నానికి లోన‌వుతారో చెప్పలేం.

ఈ త్రోబ్యాక్ పిక్ ఇప్పుడు సోష‌ల్ మీడియాలో వైర‌ల్ అవుతోంది. బాల‌రామాయ‌ణం చూసిన‌వారు.. నాటి సంగ‌తుల‌ను గుర్తు చేసుకుంటుండ‌గా.. ‘మ‌న జూనియ‌ర్ భ‌లేగా ఉన్నాడే’ అని హ్యాపీ ఫీల‌వుతున్నారు ఫ్యాన్స్‌. మ‌రి, ఈ ఫొటో చూస్తే.. జూనియ‌ర్ ఏమంటాడో..?