'తెల్లవారితే, రంగ్ దే'ల కోసం కొమరం భీమ్..!

ఈమధ్య సినీఇండస్ట్రీలో యువహీరోల సినిమాలకు స్టార్ హీరోలు సపోర్ట్ చేయడం చూస్తూనే ఉన్నాం. ఇటీవలే డార్లింగ్ ప్రభాస్ జాతిరత్నాలు సినిమా ట్రైలర్ రిలీజ్ చేసి సపోర్ట్ చేసాడు. మరికొందరు హీరోలు ప్రీ-రిలీజ్ వేడుకలకు హాజరై సపోర్ట్ చేస్తున్నారు. తాజాగా మరో యువహీరోకు సపోర్ట్ చేయడానికి స్టార్స్ దిగిరానున్నారు. స్టార్ మ్యూజిక్ డైరెక్టర్ ఎంఎం కీరవాణి తనయుడు శ్రీసింహా హీరోగా 'తెల్లవారితే గురువారం' అనే సినిమా రూపొందుతున్న సంగతి తెలిసిందే. కామెడీ థ్రిల్లర్ 'మత్తు వదలరా' సినిమా తర్వాత శ్రీసింహా చేస్తున్న రెండో సినిమా ఇది. ఫస్ట్ సినిమాతోనే మంచి ఇంప్రెషన్ తెచ్చుకున్న శ్రీసింహా ఇప్పుడు రొమాంటిక్ లవ్ స్టోరీతో రాబోతున్నాడు. మణికాంత్ ఈ సినిమాతో దర్శకుడుగా పరిచయం అవుతున్నాడు. ఇటీవలే చిత్రబృందం న్యూ పోస్టర్ రిలీజ్ చేసింది.

పోస్టర్ చూస్తే ఈసారి కూడా వినూత్నమైన పాయింట్ తో ఈ సినిమా రానుందని అంటున్నారు. ఇదిలా ఉండగా.. ఈ సినిమాను వారాహి చలనచిత్రం బ్యానర్ పై సాయి కొర్రపాటి నిర్మిస్తున్నారు. ఈ సినిమా ప్రీ-రిలీజ్ ఫంక్షన్ కు దర్శకధీరుడు ఎస్ఎస్ రాజమౌళి, యంగ్ టైగర్ ఎన్టీఆర్ హాజరు కానున్నట్లు తెలుస్తుంది. ఎందుకంటే ఈ ఇద్దరూ హీరో కుటుంబానికి చాలా దగ్గరివారు. ఈ సినిమా మార్చ్ 27న రిలీజ్ కాబో్తుండగా.. మార్చ్ 21న ప్రీ-రిలీజ్ వేడుక జరపనున్నారు. అంతేగాక యంగ్ టైగర్ ఎన్టీఆర్ హీరో నితిన్ సినిమా ప్రీ-రిలీజ్ ఫంక్షన్ కూడా హాజరవుతున్నట్లు సినీవర్గాలు చెబుతున్నాయి. మార్చ్ 26న సినిమా రిలీజ్ కాబోతుండగా.. ఎప్పుడు ప్రీ-రిలీజ్ అనేది ఇంకా కన్ఫర్మ్ కాలేదు. కానీ ఎన్టీఆర్ రావడం మాత్రం పక్కా అయిపోయింది అంటూ పుకార్లు వస్తున్నాయి. చూడాలి మరి వెంకీ అట్లూరి దర్శకత్వం వహించిన ఈ సినిమాలో కీర్తిసురేష్ హీరోయిన్ గా నటించింది.