`క‌బ్జ` లుక్: ఏ న్యూ విజ‌న్ ఆఫ్ ది అండ‌ర్ వ‌ర‌ల్డ్

ఆర్.చంద్రు దర్శకత్వం వహిస్తున్న‌ చిత్రం కబ్జ‌. శాండ‌ల్వుడ్ లో ఎంతో ఆసక్తిగా ఎదురుచూస్తున్న చిత్రాలలో ఇది ఒకటి. రియల్ స్టార్ ఉపేంద్ర- కిచ్చా సుదీప్ స‌క్సెస్ ఫుల్ కాంబినేష‌న్ లో వ‌స్తున్న సినిమాగా భారీ హైప్ నెల‌కొంది. మహమ్మారికి ముందు ప్రారంభమైన ఈ సినిమా మోష‌న్ పోస్ట‌ర్.. ఫ‌స్ట్ లుక్ ని 2020 చివ‌రిలో రిలీజ్ చేయ‌గా చ‌క్క‌ని స్పంద‌న వ‌చ్చింది. 1900 కాలంలో సాగే అండర్ వరల్డ్ నేప‌థ్యంలో ఆస‌క్తిక‌ర డ్రామాతో తెర‌కెక్కుతోంది. ఇందులో ఉపేంద్ర డాన్ పాత్ర‌లో క‌నిపిస్తారు.  నాటి రోజుల్లో రెట్రో లుక్ తో ఉపేంద్ర‌- సుదీప్ పోస్ట‌ర్లు ఆక‌ట్టుకున్నాయి. ఇటీవ‌లే చిత్రీక‌ర‌ణ తిరిగి ప్రారంభమైంది.

ఇందులో భార్గవ్ బక్షి అనే పాత్ర‌లో సుదీప్ క‌నిపిస్తారు. ఉపేంద్ర డాన్ గా క‌నిపిస్తే.. ఈ క‌థ‌లో అత్యంత‌ కీలకమైన పాత్ర సుదీప్ ది. కిచ్చా సుదీప్ వ‌ర్సెస్ రియ‌ల్ స్టార్ ఉపేంద్ర ఎపిసోడ్స్ ఆస‌క్తిక‌రంగా ఉంటాయ‌ని తెలిసింది.  తాజాగా రియ‌ల్ స్టార్ వ‌ర్సెస్ బాద్ షా పోస్ట‌ర్ అభిమానుల్లో వైర‌ల్ గా మారింది. ఇందులో ప్రకాష్ రాజ్,.. జయప్రకాష్ రెడ్డి,.. ప్రదీప్ రావత్ .. కబీర్ దుహాన్ సింగ్ త‌దిత‌రులు న‌టిస్తున్నారు. ముకుంద మురారి లాంటి సోషియో సెటైరిక‌ల్ మూవీ తర్వాత సుదీప్- ఉపేంద్ర క‌లిసి న‌టిస్తున్న చిత్ర‌మిది. తెలుగు-త‌మిళం-క‌న్న‌డ‌-ఒరియా-మ‌ల‌యాళం-మ‌రాఠీ స‌హా హిందీలోనూ ఈ చిత్రం త్వ‌ర‌లో విడుద‌ల కానుంది.