అప్పుడు లస్ట్ స్టోరీస్.. ఇప్పుడు గిల్టీ!

కియారా అద్వాని కెరీర్ లో ఇప్పుడు పీక్స్ లో ఉంది.  ఇప్పటికే కొన్ని సూపర్ హిట్.. బ్లాక్ బస్టర్ సినిమాల్లో నటించిన కియారాకు తాజాగా 'కబీర్ సింగ్' తో మరో బ్లాక్ బస్టర్ లభించింది. ఇప్పుడు ఎక్కడ చూసినా కబీర్ సింగ్ పై చర్చలే.  కొంతమంది ప్రేక్షకులు.. మెజారిటీ బాలీవుడ్ క్రిటిక్స్ 'కబీర్ సింగ్' పై విరుచుకుపడుతున్నా వాటితో సంబంధం లేకుండా ఈ సినిమా  బాక్స్ ఆఫీస్ దగ్గర దుమ్ము లేపుతోంది.  ఈ సినిమా విజయంతో కియారా బాలీవుడ్ స్టార్ హీరోయిన్ల లీగ్ లోకి ఎంట్రీ ఇచ్చినట్టేనని అంటున్నారు.

ఇదిలా ఉంటే కియారా మరో క్రేజీ వెబ్ ఫిలిం కోసం రెడీ అవుతోంది.  కియారా మెయిన్ స్ట్రీమ్ సినిమాలతో పాటు వెబ్ సిరీస్.. వెబ్ ఫిలిమ్స్ లో నటిస్తుందనే విషయం తెలిసిందే కదా. గతంలో కరణ్ జోహార్ బ్యానర్ లో తెరకెక్కిన నెట్ ఫ్లిక్స్ ఆంథాలజీ ఫిలిం 'లస్ట్ స్టోరీస్' లో నటించి సంచలనం సృష్టించిన విషయం తెలిసిందే.  నిజానికి లస్ట్ స్టోరీస్ లో ని 'వైబ్రేటర్ సీన్' కియారాకు బాలీవుడ్ లో భారీ గుర్తింపు తెచ్చిపెట్టింది.  ఈసారి కరణ్ జోహార్ నిర్మాణంలోనే 'గిల్టీ' అనే మరో వెబ్ ఫిలిం తెరకెక్కుతోంది.  రుచి నారాయణ్ ఈ వెబ్ ఫిలిం కు దర్శకత్వం వహిస్తున్నారు.

ఈ వెబ్ ఫిలిం లో కియారా ఒక హిప్ స్టర్ లాగా కనిపిస్తుందట. హిప్ స్టర్ అంటే మోడరన్ థింకింగ్ ఉండే రెబెల్ అన్నమాట.  ఈ వెబ్ ఫిలింలో కియారా పాత్రకు సంబంధించిన ఫస్ట్ లుక్ కూడా తాజాగా విడుదల చేశారు. ఈ ఫస్ట్ లుక్ లో తలకు క్యాప్.. సిల్వర్ కలర్ హెయిర్ తో కియారా చాలా డిఫరెంట్ గా కనిపిస్తోంది.  కియారా గెటప్ చూస్తుంటే మరోసారి సంచలనం సృష్టించడం ఖాయమనిస్తోంది.  ఈ వెబ్ ఫిలిం కాకుండా కియారా ప్రస్తుతం 'గుడ్ న్యూస్'.. 'లక్ష్మి బాంబ్'.. 'షేర్ షా'.. 'ఇందూ కి జవాని' సినిమాల్లో నటిస్తోంది.