కళ్యాణ్ రామ్‌ ప్రస్తుతం చేస్తున్నది ఏంటీ?

నందమూరి కళ్యాణ్ రామ్‌ గత ఏడాది చాలా ఆశలు పెట్టుకుని వచ్చిన ఎంత మంచి వాడవురా సినిమా బాక్సాఫీస్ వద్ద బొక్క బోర్లా పడింది. అంతకు ముందు కూడా కళ్యాణ్‌ రామ్‌ వరుసగా నిరాశ పర్చుతూనే ఉన్నాడు. పటాస్ తర్వాత మళ్లీ కమర్షియల్‌ సక్సెస్ లే లేని కళ్యాణ్‌ రామ్‌ సినిమాల సంఖ్య ఏమాత్రం తగ్గించకుండా బ్యాక్‌ టు బ్యాక్ అన్నట్లుగా చేస్తూనే ఉన్నాడు. సక్సెస్ కోసం ఆయన పడుతున్న తాపత్రయం అందరి దృష్టిని ఆకర్షిస్తుంది. నిరాశ పడకుండా వరుసగా సినిమాలు చేస్తున్న కళ్యాణ్‌ రామ్‌ ప్రస్తుతం రాజేంద్ర అనే కొత్త దర్శకుడి దర్శకత్వంలో సినిమా చేస్తున్నాడు.

ఇప్పటికే ప్రారంభం అయిన సినిమా షూటింగ్‌ కరోనా కారణంగా కాస్త అటు ఇటుగా సాగుతూ ఉంది. రాజేంద్ర ఈ సినిమాలో నందమూరి హీరో కళ్యాణ్ రామ్‌ ను 'రా' ఏజెంట్‌ గా చూపించబోతున్నట్లుగా తెలుస్తోంది. ఈమద్య కాలంలో ఇలాంటి సినిమాలకు పాజిటివ్‌ రెస్పాన్స్ వస్తుంది. కాస్త కమర్షియల్ టచ్ ఇచ్చి 'రా' కాన్సెప్ట్ తో సినిమాను చేయడం వల్ల ఖచ్చితంగా మంచి ఫలితం ఉంటుందని గత చిత్రాల ఫలితాలను బట్టి అర్థం అవుతుంది. అందుకే రాజేంద్ర కూడా ఈ సినిమాను కమర్షియల్‌ యాంగిల్‌ లో ఇంట్రెస్టింగ్‌ పాయింట్‌ తో చేస్తున్నట్లుగా తెలుస్తోంది.

నందమూరి కళ్యాణ్ రామ్‌ సక్సెస్‌ కోసం అభిమానులు ఆసక్తిగా ఎదురు చూస్తున్నారు. ఆయన ఈ సినిమా తో అయినా సక్సెస్‌ ను దక్కించుకుంటాడేమో చూడాలి. 'రా' కాన్సెప్ట్‌ తో సినిమా లు ఇప్పటికే చాలా వచ్చాయి కనుక కాస్త విభిన్నంగా ఉండి కమర్షియల్‌ ఎలిమెంట్స్ పుష్కలంగా ఉంటేనే జనాలు చూస్తారు. లేదంటే ఈ సినిమాను కూడా కళ్యాణ్ గత చిత్రాల జాబితాలోనే చేర్చాల్సి వస్తుందని మీడియా సర్కిల్స్‌ లో గుసగుసలు వినిపిస్తున్నాయి. అయితే ఈ సినిమా పై కళ్యాణ్ రామ్‌ చాలా కాన్ఫిడెన్స్ తో ఉన్నాడని సమాచారం.