ఏ హీరోయిన్ కెరీర్ ఎప్పుడు మలుపు తిరుగుతుందో చెప్పలేం. పుష్కరం కిందట ‘లక్ష్మీకళ్యాణం’ అనే సినిమాతో పరిచయమైన కాజల్ అగర్వాల్ ను చూసినపుడు ఇంత పెద్ద హీరోయిన్ అవుతుందని ఎవ్వరూ అనుకుని ఉండరేమో. ఆ సినిమాలో కాజల్ మామూలుగానే కనిపించింది. ఆ సినిమా కూడా పెద్దగా ఆడలేదు. కానీ రెండో సినిమా ‘చందమామ’తో ఆమె దశ తిరిగింది. ఆ చిత్రం తెచ్చిన గుర్తింపుతో పెద్ద హీరోల సరసన అవకాశాలందుకుంది. సౌత్ ఇండియాలోనే బిగ్గెస్ట్ హీరోయిన్లలో ఒకరిగా ఎదిగింది. ‘లక్ష్మీకళ్యాణం’ సినిమా తర్వాత అసలు కాజల్ కే తన కెరీర్ విషయంలో పెద్దగా అంచనాల్లేవట.
సినిమాను కెరీర్ గా కొనసాగించడం కష్టమని.. ఎంబీఏ చదివి వేరే కెరీర్ చూసుకుందామని అనుకుందట. అందుకోసం సన్నాహాలు కూడా చేసుకుందట. కానీ ఆ తర్వాత అనూహ్యంగా తన కెరీర్ మలుపు తిరిగిందని.. తెలుగు ప్రేక్షకులు తనను గొప్పగా ఆదరించి పెద్ద కథానాయికను చేశారని.. దీంతో మళ్లీ చదువు గురించి ఆలోచించే పరిస్థితే రాలేదని.. చూస్తుండగానే చాలా ఏళ్లు గడిచిపోయానని కాజల్ చెప్పింది. తన కొత్త సినిమా ‘ఎమ్మెల్యే’ ఫుల్ లెంగ్త్ కమర్షియల్ ఎంటర్టైనర్ అని.. ఇందులో తాను ఎన్నారై అమ్మాయిగా చాలా మంచి పాత్ర పోషించానని చెప్పింది. ప్రస్తుతం తాను ‘క్వీన్’ తమిళ రీమేక్ లో నటిస్తున్నానని.. దీని తర్వాత బెల్లంకొండ శ్రీనివాస్ సినిమాకు సంతకం చేశానని ఆమె చెప్పింది.
సినిమాను కెరీర్ గా కొనసాగించడం కష్టమని.. ఎంబీఏ చదివి వేరే కెరీర్ చూసుకుందామని అనుకుందట. అందుకోసం సన్నాహాలు కూడా చేసుకుందట. కానీ ఆ తర్వాత అనూహ్యంగా తన కెరీర్ మలుపు తిరిగిందని.. తెలుగు ప్రేక్షకులు తనను గొప్పగా ఆదరించి పెద్ద కథానాయికను చేశారని.. దీంతో మళ్లీ చదువు గురించి ఆలోచించే పరిస్థితే రాలేదని.. చూస్తుండగానే చాలా ఏళ్లు గడిచిపోయానని కాజల్ చెప్పింది. తన కొత్త సినిమా ‘ఎమ్మెల్యే’ ఫుల్ లెంగ్త్ కమర్షియల్ ఎంటర్టైనర్ అని.. ఇందులో తాను ఎన్నారై అమ్మాయిగా చాలా మంచి పాత్ర పోషించానని చెప్పింది. ప్రస్తుతం తాను ‘క్వీన్’ తమిళ రీమేక్ లో నటిస్తున్నానని.. దీని తర్వాత బెల్లంకొండ శ్రీనివాస్ సినిమాకు సంతకం చేశానని ఆమె చెప్పింది.