మధుశాలిని.. లిప్ లాక్ క్వీన్

లోకనాయకుడు కమల్ హాసన్ సినిమాలో మన తెలుగమ్మాయికి అవకాశం రావడమంటే మాటలు కాదు. మధు శాలిని ఆ ఛాన్స్ కొట్టేసింది. ఇంతకీ మధుశాలిని ‘చీకటి రాజ్యం’లో ఏం చేసిందయ్యా అంటే.. ముద్దులు పెట్టుకుంది. అవును.. కమల్ తో లిప్ లాక్స్ లాగించడమే సినిమాలో ఆమె పని.

మధుది చాలా చిన్న పాత్రే. ఆమె ఇందులో నర్సుగా నటించింది. తాను హాస్పిటల్లో పని చేసే కుర్రాడితో కలిసి తొలిసారి నైట్ క్లబ్బుకి వస్తుంది. అక్కడ ఆ కుర్రాడు ఆమెతో అసభ్యంగా ప్రవర్తిస్తుంటే కమల్ అడ్డు పడి అతణ్ని చితకబాదుతాడు. ఆ తర్వాత కమల్ ఇబ్బందుల్లో ఉన్నపుడు ఆమె లిప్ లాక్స్ తో ఆయన్ని కాపాడుతుంది. తనను వెంటాడుడుతున్న వాళ్ల నుంచి తప్పించుకోవడానికి లిప్ లాక్స్ లాగిస్తాడన్నమాట కమల్. ఇలా ఒకటికి రెండు సార్లు లిప్ లాక్ ఉంటుంది.

రెగ్యులర్ లిప్ లాక్స్ తరహాలో ఇవి మరీ అంత వేడి పుట్టించవు కానీ.. కొంచెం హాట్ గానే ఉన్నాయి. మొత్తంగా సినిమాలో ఓ పావు గంట దాకా కనిపిస్తుంది మధుశాలిని. ఐతే కమల్ సినిమా కదా.. ఆ మాత్రం కనిపించినా అదృష్టమే కదా. పైగా కమల్ తో లిప్ లాక్స్ చేస్తే వచ్చే గుర్తింపే వేరు కదా.