బాలీవుడ్లో ఒక సెన్సేష‌నల్ కాంబో

ఒక సూప‌ర్ స్టార్ ఇంకో సూప‌ర్ స్టార్ సినిమాను నిర్మించ‌డానికి ముందుకు రావ‌డం.. ఓ స్టార్ డైరెక్ట‌ర్ క‌మ్ ప్రొడ్యూస‌ర్ కూడా వారితో చేతులు క‌ల‌ప‌డం అరుదైన విష‌యం. బాలీవుడ్లో ఇలాంటి అరుదైన కాంబినేష‌న్ కు రంగం సిద్ధ‌మ‌వుతోంది. స‌ల్మాన్ ఖాన్ నిర్మాణంలో అక్ష‌య్ కుమార్ హీరోగా ఓ సినిమా మొద‌ల‌వుతోంది. క‌ర‌ణ్ జోహార్ ఈ ప్రాజెక్టులో భాగ‌మ‌వుతున్నాడు. అత‌నీ చిత్రాన్ని స‌మ‌ర్పిస్తున్నాడు. పంజాబీ ద‌ర్శ‌కుడు అనురాగ్ సింగ్ ఈ చిత్రాన్ని డైరెక్ట్ చేయ‌బోతున్నాడు. త్వ‌ర‌లోనే సెట్స్ మీదికి వెళ్ల‌నున్న ఈ చిత్రం 2018లో ప్రేక్ష‌కుల ముందుకొస్తుంది.

అనురాగ్ పంజాబీలో అర‌డ‌జ‌నుకు పైగా సూప‌ర్ హిట్ సినిమాలు తీశాడు. బాలీవుడ్లోనూ అత‌నో సినిమాను రూపొందించాడు. అప్ప‌ట్లో రాణీ ముఖ‌ర్జీ ప్ర‌ధాన పాత్ర‌లో తెర‌కెక్కిన ‘దిల్ బోలే హ‌డిప్పా’ అనురాగ్ సినిమానే. ఆ చిత్రం ఫ్లాప‌వ‌డంతో మ‌ళ్లీ బాలీవుడ్ వైపు చూడ‌లేదు. ఈసారి అక్ష‌య్ కోసం పంజాబ్ నేప‌థ్యంలో ఓ మంచి క‌థ రెడీ చేసుకుని క‌లిశాడు. అనుకోకుండా స‌ల్మాన్ ఖాన్.. క ర‌ణ్ జోహార్ కూడా ఈ ప్రాజెక్టులోకి వ‌చ్చారు. మామూలుగా ఖాన్ త్ర‌యంతో అంటీముట్ట‌నట్లు ఉంటాడు అక్ష‌య్. అలాంటి వాడు స‌ల్మాన్ నిర్మాణంలో సినిమా చేయ‌డం ఆస‌క్తి రేకెత్తించేదే. స‌ల్మాన్ ఇంత‌కుముందు సూర‌జ్ పంచోలి హీరోగా ‘హీరో’ అనే సినిమాను నిర్మించిన సంగ‌తి తెలిసిందే.

Like Us on Facebook : https://www.facebook.com/Tupakidotcom/