బిగ్ బాస్ ఆహ్వానం రిజెక్ట్ చేసిన యంగ్ హీరో.. ఆ భయంతోనేనా..??

గత మూడు సీసన్లుగా తెలుగు బుల్లితెర పై విజయవంతంగా ప్రదర్శించ బడుతున్న రియాలిటీ షో బిగ్ బాస్. కరోనా ప్రభావం తగ్గితే ఈ ఏడాది జూలైలో నాలుగో సీజన్‌ ప్రారంభించాలని నిర్వాహకులు భావించారు. కానీ కరోనా తగ్గలేదు బిగ్ బాస్ కుదరలేదు. ఈ నేపథ్యంలో కంటెస్టెంట్లు, హోస్ట్‌ల కోసం నిర్వాహకులు ఇప్పటికే పలువురితో సంప్రదింపులు జరుపుతున్నారు. అయితే ఈ రియాల్టీ షో కోసం కంటెస్టెంట్‌లను సంప్రదిస్తున్నారు. ఈసారి కాస్త పాపులారిటీ కలిగిన సభ్యులను సెలెక్ట్ చేయడానికి ఎదురుచూస్తున్నారు. ఇందులో భాగంగానే యంగ్ హీరో కార్తికేయను కూడా బిగ్ బాస్ టీమ్ సంప్రదించారట.

అయితే కార్తికేయ బిగ్ బాస్ షోలో పాల్గొనడానికి నిరాకరించినట్లు తెలుస్తుంది. ప్రస్తుతం సినిమాలతో బిజీగా ఉన్న కార్తికేయ బిగ్ బాస్ లోకి వెళ్తే కెరీర్లో బ్రేక్ గ్యాప్ వస్తుందని అనుకుంటున్నాడని కొందరి అభిప్రాయం. ఆర్ఎక్స్ 100 సినిమాతో ఇండస్ట్రీని ఆకర్షించిన కార్తికేయ. ఆ సినిమాతో నిర్మాతగా కూడా సక్సెస్ అయ్యాడు. ఆ తరువాత వరుసగా హిప్పీ, గుణ369, 90ఎంఎల్ సినిమాలతో మంచి ఫాలోయింగ్ సంపాదించాడు. హీరోగానే కాకుండా నాని హీరోగా తెరకెక్కిన 'గ్యాంగ్ లీడర్' సినిమాలో విలన్ గా నటించి మెప్పించాడు. ప్రస్తుతం కార్తికేయ అవకాశాలను బాగానే క్యాచ్ చేస్తున్నాడు. తాజాగా గీతా ఆర్ట్స్2 బ్యానర్లో 'చావుకబురు చల్లగా' సినిమాతో విడుదలకు సిద్ధం అవుతున్నాడు.

ఇలాంటి టైంలో బిగ్ బాస్ కరెక్ట్ కాదని అనుకున్నట్లు టాక్. అయితే బిగ్ బాస్ షోలో పాల్గొనేందుకు కాస్త పాపులారిటీ ఉన్నవారు ఎవ్వరూ ఆసక్తిి చూపడం లేదని కొన్ని వార్తలొస్తున్నాయి. అందుకు కారణాలు కూడా ఉన్నాయట. బిగ్‌బాస్‌లో పాల్గొని హౌస్‌ నుంచి బయటకు వచ్చిన తరువాత ఎవ్వరికీ పెద్దగా ఆఫర్లు రావడం లేదట. కంటెస్టెంట్లు మాత్రమే కాదు బిగ్‌బాస్ విన్నర్‌లకు కూడా షో తరువాత అడపాదడపా అవకాశాలు మాత్రమే పొందుతున్నారని వినికిడి. బిగ్ బాస్ లోకి వెళ్తే కెరీర్ ఉంటుందా అని భయాలు అనుమానాలు వ్యక్తం చేస్తున్నారు. మరి కార్తికేయ కూడా ఆ విధంగా ఏమైనా నో చెప్పాడా.. అని సినీవర్గాలలో అనుమానాలు వ్యక్తం అవుతున్నాయి.