గన్నులతో 'కత్తి' ఫైటింగులు

బాలీవుడ్ బ్యూటీ కత్రినా కైఫ్ అందాల ఆరబోతకు మరో పేరు. మొదట్లో యాక్టింగ్ కు కూడా ఇబ్బంది పడ్డ ఈ బ్యూటీ.. ఇప్పుడు  డ్యాన్సులు కూడా ఇరగదీసేస్తోంది. స్టేజ్ డ్యాన్సుల విషయంలో కూడా హై లెవెల్ పెర్ఫామెన్స్ తో కుమ్మేస్తోంది. కెరీర్ పీక్ స్టేజ్ కు చేరుకున్నాక.. రణబీర్ తో లవ్ అఫైర్.. బ్రేకప్.. ఆ తర్వాత వరుస ఫ్లాప్స్ తో కాసింత ఇబ్బంది పడుతున్న కేట్.. ప్రస్తుతం సల్మాన్ ఖాన్ తో కలిసి టైగర్ జిందాహై చిత్రంలో నటిస్తోంది.

ఒకవైపు సల్మాన్ ఖాన్ ట్యూబ్ లైట్ ప్రమోషన్స్ చేసుకుంటుంటే.. మరోవైపు జగ్గా జాసూస్ ను ప్రమోట్ చేసుకోవడంలో బిజీగా ఉంది కత్రినా. అయితే.. ఇదే సమయంలో వీరిద్దరూ కలిసి నటిస్తున్న టైగర్ జిందా హై పనులు కూడా చక్కబెట్టేస్తున్నారు సల్మాన్ అండ్ కేట్. వీరిద్దరూ ఈ మూవీ కోసం తెగ కష్టపడిపోతున్నారు. టైగర్ జిందా హై కోసం కత్తి సాము.. గన్ షూటింగ్ కూడా ప్రాక్టీస్ చేసేస్తున్నారు. ఆలీ అబ్బాస్ జాఫర్ దర్శకత్వంలో రూపొందుతున్న టైగర్ జిందా హై చిత్రాన్ని యష్ రాజ్ ఫిలిమ్స్ నిర్మిస్తోంది.

టైగర్ జిందా హైలో యాక్షన్ ఎపిసోడ్స్ కోసం హాలీవుడ్ టెక్నీషియన్స్ ను తీసుకొచ్చారు. వారి ఆధ్వర్యంలోనే ఇప్పుడు ట్రైనింగ్ తీసుకుంటున్నారు సల్మాన్.. కేట్. గన్ షూటింగ్ ప్రాక్టీస్ చేస్తున్న కత్రినా కైఫ్ ఫోటోలను సోషల్ మీడియాలో విడుదల చేసిన యష్ రాజ్ ఫిలిమ్స్.. 'ఫిమేల్ టైగర్ గాండ్రించడానికి రెడీ అవుతోంది' అంటూ ట్వీట్ చేసింది.

Like Us on Facebook : https://www.facebook.com/Tupakidotcom/