వీళ్లు కూడా ఫేస్ బుక్ మెట్లు ఎక్కారుగా

హైద్రాబాద్ లోని ఫేస్ బుక్ కార్యాలయం.. సినిమా ప్రమోషన్స్ కు వేదికగా మారుతోందని ఇప్పటికే చెప్పుకున్నాం. రామ్ చరణ్ తన లేటెస్ట్ మూవీ ధృవ కోసం తొలిసారిగా ఫేస్ బుక్ ఆఫీస్ నుంచి ప్రమోట్ చేశాడు. ఈ కొత్త విధానం టాలీవుడ్ ని బాగా ఆకట్టుకుంది. రామ్ చరణ్ తర్వాత.. గౌతమిపుత్ర శాతకర్ణి టీం కూడా ఫేస్ బుక్ ఆఫీస్ ని విజిట్ చేసింది.

నేను లోకల్ మూవీతో వచ్చే వారం ప్రేక్షకుల ముందుకు రానున్నాడు హీరో నాని. కీర్తి సురేష్ హీరోయిన్ గా నటించిన ఈ మూవీ.. ఫిబ్రవరి 3న గ్రాండ్ రిలీజ్ కానుంది. ఈ సినిమా ప్రమోషన్స్ ను ఇప్పటికే ప్రారంబించగా.. హీరో నాని హీరోయిన్ కీర్తి సురేష్ లు ఫేస్ బుక్ హైద్రాబాద్ ఆఫీస్ మెట్లెక్కారు. అక్కడి వారు అడిగిన ప్రశ్నలకు సమాధానాలు చెప్పడం.. సరదా సరదా ప్రశ్నలకు చిలిపి ఆన్సర్స్ ఇవ్వడం.. స్టాఫ్ తో కలిసి సెల్ఫీలు దిగడం.. ఇలా ఫేస్ బుక్ ఆఫీస్ లో హంగామా బాగానే చేసింది నేను లోకల్ టీం.

 ఇప్పటికే నేను లోకల్ ట్రైలర్.. పాటలు టాలీవుడ్ ఆడియన్స్ లో ఆసక్తి బాగా కలిగించాయి. ఇప్పుడు ప్రమోషన్స్ లో కూడా ఈ మూవీ యూనిట్ జోరు చూపిస్తుండడంతో.. నాని-కీర్తి సురేష్ ల ఖాతాలలో మరో హిట్ పడ్డం ఖాయం అని ఇండస్ట్రీ వర్గాలు అంచనా వేస్తున్నాయి.


Like Us on Facebook : https://www.facebook.com/Tupakidotcom/