బన్నీతో జోడీకి కీర్తి కుదిరింది.

మలయాళీ కుట్టి కీర్తి సురేష్.. టాలీవుడ్ లో మంచి ఆఫర్స్ ను పట్టేస్తోంది. ఈ ట్యాలెంటెడ్ బ్యూటీకి తెలుగులో ఇప్పటివరకూ స్టార్ హీరోతో నటించే ఛాన్స్ రాలేదు. నేను లోకల్ లో నేచురల్ స్టార్ నానితో నటిస్తున్నా.. నాని టాప్ లీగ్ లో ఉండే స్టార్ కాదు. కానీ ఇప్పుడీ భామకు టైమ్ కలిసొస్తున్నట్లుగానే ఉంది. ఏకంగా స్టైలిష్ స్టార్ అల్లు అర్జున్ మూవీలో ఛాన్స్ దక్కించుకున్నట్లు తెలుస్తోంది.

లింగుస్వామి దర్శకత్వంలో అల్లు అర్జున్  హీరోగా తమిళ-తెలుగు బై లింగ్యువల్ రూపొందుతున్న సంగతి తెలిసిందే. రీసెంట్ గా ఈ ప్రాజెక్టును అఫీషియల్ గా అనౌన్స్ చేసేశారు కూడా. అటు ట్యాలెంట్ తో పాటు.. ఇటు రెండు ఇండస్ట్రీలలోనూ క్రేజ్ ఉన్న యంగ్ బ్యూటీ కీర్తి సురేష్ ను.. బన్నీకి జోడీగా ఫైనల్ చేశారని అంటున్నారు. ఇప్పటికే కీర్తిని అడగడం.. సైన్ చేసేయడం కూడా జరిగిపోయాయని టాక్.

ఫిబ్రవరిలో బన్నీ-లింగుస్వామి ప్రాజెక్టు సెట్స్ పైకి వెళ్లనుండగా.. స్టూడియోగ్రీన్-గీతా ఆర్ట్స్ లు సంయుక్తంగా ఈ సినిమాను నిర్మించనున్నాయి. ప్రస్తుతం దువ్వాడ జగన్నాధంగా బన్నీ సినిమా మొదలు కానుండగా.. విజయ్ తో భైరవ- నానితో నేను లోకల్ మూవీస్ లో కీర్తి సురేష్ యాక్ట్ చేస్తోంది.