రజినీజీ ఇదేం బాగాలేదు

సూపర్‌ స్టార్‌ రజినీకాంత్‌ ఆరు పదుల వయస్సు ఎప్పుడో దాటాడు, త్వరలోనే ఏడు పదుల వయసు కు చేరువ కాబోతున్నాడు. ఈ వయస్సు లో కూడా రజినీకాంత్‌ వరుసగా సినిమాలు చేస్తూ ఉన్నాడు. త్వరలోనే ‘పెట్టా’ చిత్రం తో ప్రేక్షకుల ముందుకు రాబోతున్న రజినీకాంత్‌ ఆ వెంటనే మురుగదాస్‌ దర్శకత్వం లో ఒక చిత్రాన్ని చేసేందుకు సిద్దం అయిన విషయం తెల్సిందే. సర్కార్‌ చిత్రం తో భారీ విజయాన్ని సొంతం చేసుకున్న మురుగదాస్‌ ప్రస్తుతం రజినీకాంత్‌ కోసం స్క్రిప్ట్‌ ను సిద్దం చేసే పనిలో ఉన్నాడు.

వచ్చే నెలలోనే వీరి కాంబో మూవీ పట్టాలెక్కనుంది అంటూ మీడియా లో వార్తలు వస్తున్నాయి. ఇక ఈ చిత్రం కోసం కీర్తి సురేష్‌ ను మురుగదాస్‌ ఎంపిక చేయడం, రజినీకాంత్‌ గ్రీన్‌ సిగ్నల్‌ ఇవ్వడం జరిగిందట. సర్కార్‌ చిత్రం లో విజయ్‌ కు జోడీగా కీర్తి సురేష్‌ నటించింది. ఆ చిత్రం సమయంలోనే తన తదుపరి చిత్రానికి కూడా మురుగదాస్‌ ఆమె ను ఫిక్స్‌ అయ్యాడు. అందుకే రజినీకాంత్‌ కు ఆమె ను సెట్‌ చేసినట్లుగా తెలుస్తోంది. అయితే రజినీకాంత్‌- కీర్తి సురేష్‌ ల జోడీ పై విమర్శలు వ్యక్తం అవుతున్నాయి.

రజినీకాంత్‌ వయస్సు 68 యేళ్లు కాగా- కీర్తి సురేష్‌ వయస్సు 26 యేళ్లు. ఇద్దరి మద్య వయస్సు చాలా తేడా ఉంది. రజినీకాంత్‌ కూతుర్ల కంటే కూడా కీర్తి సురేష్‌ వయస్సు దాదాపుగా పదేళ్లకు పైగా తక్కువ ఉంది. కూతుర్ల వయస్సు కంటే చాలా తక్కువ వయసు ఉన్న అమ్మాయి తో రొమాన్స్‌ ఏంటీ అంటూ కొందరు ప్రశ్నిస్తున్నారు. రజినీకాంత్‌ కు మూడు పదుల వయసు దాటిన హీరోయిన్స్‌ అయితే కాస్త పర్వాలేదు కాని, పాతికేళ్ల వయస్సు హీరోయిన్‌ తో రొమాన్స్‌ ఏంటీ అంటూ ఫ్యాన్స్‌ కూడా ముక్కున వేలేసుకుంటున్నారు.