కాజల్ పని దాదాపుగా అయిపోయింది. సమంత- తమన్నాల జోరూ తగ్గిపోయింది. అనుష్క సంగతి తెలిసిందే. మరి దక్షిణాదిన ఇప్పుడు హవా సాగిస్తుున్న కథానాయిక ఎవరు..? ఇంకెవరు.. కీర్తి సురేషే. ఇటు తెలుగులో.. అటు తమిళంలో క్రేజీ ప్రాజెక్టులతో దూసుకెళ్తోంది కీర్తి. సంక్రాంతికి ఆమె ‘అజ్ఞాతవాసి’తో పలకరించింది. ఆ సినిమా తుస్సుమనిపించినా.. తమిళంలో నటించిన ‘తానే సేంద కూట్టం’ మంచి ఫలితాన్నందించింది. ఇక ఈ ఏడాదిలో ఆమె నుంచి మరిన్ని క్రేజీ ప్రాజెక్టులు రాబోతున్నాయి. ముందుగా ‘మహానటి’తో తెలుగు.. తమిళం.. మలయాళ ప్రేక్షకుల్ని పలకరించబోతోంది కీర్తి. తెలుగులో ఈ లోపు వేరే సినిమాలేమైనా సైన్ చేస్తుందేమో తెలియదు కానీ.. తమిళంలో మాత్రం ఇప్పుడామె చేతిలో క్రేజీ ప్రాజెక్టులున్నాయి.
విజయ్-మురుగదాస్ కాంబినేషన్లో తెరకెక్కబోయే క్రేజీ ప్రాజెక్టులో కీర్తినే కథానాయిక. ఇది కాక విశాల్ సరసన ‘పందెం కోడి-2’ చేస్తోంది. విక్రమ్‌కు జోడీగా ‘సామి-2’లోనూ నటిస్తోంది. ఇంకా ఆమె కథానాయికగా రెండు మూడు సినిమాలు చర్చల దశలో ఉన్నాయంటున్నారు. కీర్తి ప్రస్తుతం తమిళంలో చేస్తున్న సినిమాలన్నీ తెలుగులో రిలీజయ్యేవే. వీటిలో రెండు మూడు ఆడినా కీర్తి కెరీర్ మరింత ఊపందుకుంటుంది. మొత్తానికి ఈ ఏడాదంతా కీర్తి హవా సాగబోతున్నట్లే. దక్షిణాదిన కీర్తికి దీటుగా పెద్ద ప్రాజెక్టుల్లో నటిస్తున్నది రకుల్ ప్రీత్ మాత్రమే. ఐతే రకుల్ ఇంకా తమిళంలో పాగా వేయలేదు. ఈ ఏడాది కీర్తి చేతిలో ఉన్నన్ని క్రేజీ ప్రాజెక్టులు ఆమె చేతిలో లేవు. అందం.. అభినయం రెండూ ఉన్న కీర్తికి మున్ముందు ఎదురు లేనట్లే.
విజయ్-మురుగదాస్ కాంబినేషన్లో తెరకెక్కబోయే క్రేజీ ప్రాజెక్టులో కీర్తినే కథానాయిక. ఇది కాక విశాల్ సరసన ‘పందెం కోడి-2’ చేస్తోంది. విక్రమ్‌కు జోడీగా ‘సామి-2’లోనూ నటిస్తోంది. ఇంకా ఆమె కథానాయికగా రెండు మూడు సినిమాలు చర్చల దశలో ఉన్నాయంటున్నారు. కీర్తి ప్రస్తుతం తమిళంలో చేస్తున్న సినిమాలన్నీ తెలుగులో రిలీజయ్యేవే. వీటిలో రెండు మూడు ఆడినా కీర్తి కెరీర్ మరింత ఊపందుకుంటుంది. మొత్తానికి ఈ ఏడాదంతా కీర్తి హవా సాగబోతున్నట్లే. దక్షిణాదిన కీర్తికి దీటుగా పెద్ద ప్రాజెక్టుల్లో నటిస్తున్నది రకుల్ ప్రీత్ మాత్రమే. ఐతే రకుల్ ఇంకా తమిళంలో పాగా వేయలేదు. ఈ ఏడాది కీర్తి చేతిలో ఉన్నన్ని క్రేజీ ప్రాజెక్టులు ఆమె చేతిలో లేవు. అందం.. అభినయం రెండూ ఉన్న కీర్తికి మున్ముందు ఎదురు లేనట్లే.