ఖైదీ అడ్వాన్స్ బుకింగ్స్.. చిరు సెన్సేషన్స్

మెగాస్టార్ చిరంజీవి 9 సంవత్సరాల తిరిగి హీరోగా నటించిన మూవీ ఖైదీ నంబర్ 150. ఈ మూవీకి అడ్వాన్స్ బుకింగ్స్ జరుగుతున్న తీరు చూస్తుంటే.. ట్రేడ్  జనాలకు కూడా దిమ్మ దిరిగి బొమ్మ కనిపిస్తోంది.

అలా ఆన్ లైన్ లో టికెట్స్ పెట్టడం ఆలస్యం.. ఇలా హౌస్ ఫుల్స్ పడిపోతున్నాయి. సింగిల్ స్క్రీన్ లతో పాటు మల్టీప్లెక్సుల్లో కూడా జోరు చాలా ఎక్కువగా ఉంది. పరిస్థితి చూస్తుంటే.. జనవరి 11న రాష్ట్రం మొత్తం అన్ని థియేటర్లలోనూ ఖైదీ నంబర్ 150ని ప్రదర్శించినా సరే టికెట్స్ ఇప్పుడే సేల్ అయిపోయేట్లుగా ఉంది. 12న శాతకర్ణి.. 14న శతమానం భవతి రిలీజ్ అవుతుండడంతో.. ఆయా థియేటర్లలో కూడా 11న ఖైదీనే ప్రదర్శిస్తున్నారు. బెజవాడలో అన్ని మల్టీప్లెక్స్ లు కలిపి రోజుకు 135 షోలు వేయగలరు. అన్నీ ఖైదీ నంబర్ 150నే వేసేస్తున్నా సరే.. ఇప్పటికే అన్ని షోస్ ఫుల్స్ అయిపోయాయి.

ఇక హైద్రాబాద్ లో అయితే ప్రసాద్స్ లో 33.. ఇనార్బిట్ లో23.. ఫోరం మాల్ లో 34.. పీవీఆర్ లో 13.. మంజీరా మాల్ లో 17.. అత్తాపూర్ 19.. అన్నీ చిరంజీవి మూవీనే వేస్తున్నారు. అన్నిటికీ టికెట్స్ అయిపోయాయి కూడా. మొదటి రోజే కాదు.. దాదాపు వీకెండ్ వరకూ ప్రైమ్ టైమ్ షోస్ కి టికెట్స్ దొరకని పరిస్థితి. ఈ అడ్వాన్స్ బుకింగ్స్ చూస్తుంటేనే మెగాస్టారా మజాకా అనిపిస్తుంటే.. ఇక థియేటర్లలోకి సినిమా వచ్చాక సిట్యుయేషన్ ని మాటల్లో వర్ణించతరమా.

Like Us on Facebook : https://www.facebook.com/Tupakidotcom/