యూట్యూబ్ ని షేక్ చేస్తున్న ఖైదీ ట్రైలర్

మెగాస్టార్ మెగా కం బ్యాక్ మూవీ ఖైదీ నంబర్ 150.. దిగ్విజయంగా నిర్వహించిన సంగతి తెలిసిందే. ఈ ఫంక్షన్ లో భాగంగా ఖైదీ నంబర్ 150 థియేట్రికల్ ట్రైలర్ ను కూడా లాంఛ్ చేశారు. మెగాస్టార్ నుంచి కోరుకునే అన్ని యాంగిల్స్ ఉండేలా సూపర్బ్ గా కట్ చేసిన ఈ ట్రైలర్ కు.. ప్రేక్షకుల నుంచి విపరీతమైన ప్రశంసలు వచ్చాయి.

యూట్యూబ్ లో అయితే.. ఖైదీ నంబర్ 150 ట్రైలర్ సెన్సేషన్స్ సృష్టిస్తోంది. కేవలం 3 గంటల 40 నిమిషాల్లోనే ట్రైలర్ కు 10 లక్షల వ్యూస్ వచ్చాయంటే.. ఈ మూవీ పై బజ్ ఏ రేంజ్ లో ఉందో అర్ధమవుతుంది. ప్రస్తుతం 2 మిలియన్లకు అతి చేరువలో వ్యూస్.. మూవీ రిలీజ్ నాటికి కొత్త రికార్డులు సృష్టించడం ఖాయంగా కనిపిస్తోంది. 9 ఏళ్ల తర్వాత మెగాస్టార్ రీఎంట్రీ కోసం తెలుగు ప్రేక్షకులు ఏ స్థాయిలో ఎదురుచూస్తున్నారో యూట్యూబ్ వ్యూస్ నిదర్శనంగా నిలుస్తున్నాయి.

మెగాస్టార్ మొహంలో మెరుస్తున్న మెరుపులు.. యూనిట్ లో కనిపిస్తున్న కాన్ఫిడెన్స్.. చిత్రంపై ఉన్న బజ్ చూస్తుంటే ఖైదీ నంబర్ 150 ఇండస్ట్రీ హిట్ గా నిలవడం పెద్ద కష్టమేం కాదనే విషయం అర్ధమవుతోంది. జనవరి 11న విడుదల కానున్న ఖైదీ నంబర్ 150 కోసం ఇప్పటికే అడ్వాన్స్ బుకింగ్స్ ప్రారంభమైపోగా.. టికెట్స్ అన్నీ హాట్ కేక్స్ లా అమ్ముడుపోతుండడం విశేషం.

Like Us on Facebook : https://www.facebook.com/Tupakidotcom/