కియ‌రా ఊపుకి చెర్రీ షేక్‌

వేడి పుట్టించ‌డం .. అగ్గి రాజేయ‌డం కియ‌రా అద్వాణీకి కొత్తేమీ కాదు. ముంబైలో ఈ అమ్మ‌డి ర్యాంప్ వాక్‌ లు ప‌రిశీలిస్తే ఆ సంగ‌తి అర్థ‌మ‌వుతుంది. గ‌త కొంత‌కాలంగా కియ‌రా వైర‌స్ ముంబై న‌గ‌రాన్ని ఒణికించింది. నిజానికి టాలీవుడ్‌ లో డెబ్యూ సినిమాతోనే స‌త్తా ఎంతో చూపించి ఉండేది. `భ‌ర‌త్ అనే నేను` చిత్రంలో సీఎం సార్‌ తో రొమాన్స్ కుద‌ర‌లేదు కానీ, కియ‌రాలో స్పీడెంతో తెలిసుండేది. ఆ సినిమాలో డీసెంట్ రోల్ .. పైగా ప‌రిమిత స‌న్నివేశాలతో స‌రిపెట్టుకోవాల్సి వచ్చింది. దీనివ‌ల్ల‌ త‌న ట్యాలెంట్‌ ని పూర్తిగా ఆవిష్క‌రించే అవ‌కాశం రాలేదు. కొర‌టాల పూర్తిగా మ‌హేష్ పైనే ఫోక‌స్ పెట్టి కియ‌రాని హైడ్ చేసేశాడు. అయితే అందుకు ప్ర‌తీకారం తీర్చుకుంటోంది ఇప్పుడు.

మెగా ప‌వ‌ర్‌ స్టార్ రామ్‌ చ‌ర‌ణ్ స‌ర‌స‌న ఈ భామ ప్ర‌స్తుతం `విన‌య విధేయ రామా` చిత్రంలో న‌టిస్తున్న సంగ‌తి తెలిసిందే. బోయ‌పాటి శైలిలోని మాస్ మ‌సాలా యాక్ష‌న్ సినిమా ఇది. ఇందులో కియ‌రా రోల్ అంతే రంజుగా తీర్చిదిద్దార‌ని తెలుస్తోంది. స‌హ‌జంగానే బోయ‌పాటి అన్ని సినిమాల్లో ఉన్న‌ట్టే ఈ సినిమాలోనూ మాస్ ఎలిమెంట్స్‌ కి - మాస్ సాంగ్స్‌ కి కొద‌వే లేదుట‌. ప్ర‌స్తుతం చ‌ర‌ణ్ - కియ‌రాపై ఓ భారీ మాస్ సాంగ్‌ ని తెర‌కెక్కిస్తున్నారు. ఇందుకోసం అన్న‌పూర్ణ స్టూడియోస్‌ లో ఓ భారీ సెట్‌ ని నిర్మించారు.

ఈ స్పెష‌ల్ మాస్ సాంగ్ కోసం దేవీశ్రీ అద్భుత‌మైన ట్యూన్‌ ని ఇచ్చాడ‌ట‌. బోయ‌పాటి ఇన్‌ స్ట్ర‌క్ష‌న్స్‌ తో కొరియోగ్రాఫ‌ర్లు చెర్రీ బాడీ లాంగ్వేజ్ - కియ‌రా ఊప్స్‌ ని దృష్టిలో పెట్టుకుని బోలెడంత గ‌మ్మత్తైన స్టెప్పులు క్రియేట్ చేస్తున్నార‌ట‌. ఈ వారాంతం నాటికి ఈ సెట్‌ లో పాట చిత్రీక‌ర‌ణ పూర్తి కానుంది. ఆ త‌ర్వాత రాజ‌మౌళి మ‌ల్టీస్టార‌ర్ షూటింగ్‌ కి చ‌ర‌ణ్ జాయిన్ అవుతార‌ని తెలుస్తోంది. విన‌య విధేయ రామా సంక్రాంతి బ‌రిలో రిలీజ‌వుతోంది. డివివి ఎంట‌ర్‌ టైన్‌ మెంట్స్ సంస్థ ఈ చిత్రాన్ని నిర్మిస్తోంది.