కొ..ణి..దె..ల నా ఫేవరెట్ డైలాగ్!

బాలీవుడ్ హీరోయిన్ కియారా అద్వాని హిందీలోనే కాకుండా తెలుగులో కూడా హీరోయిన్ గా భారీ పాపులారిటీ తెచ్చుకుంది.  మహేష్ బాబు తో 'భరత్ అనే నేను' సినిమాలో నటించిన కియారా ఇప్పుడు చరణ్ సరసన హీరోయిన్ గా నటించిన 'వినయ విధేయ రామ' రిలీజ్ కోసం ఎదురుచూస్తోంది.  ఈమధ్య ప్రమోషన్ ఇంటర్వ్యూలలో పాల్గొంటూ ఇంట్రెస్టింగ్ విషయాలను పంచుకుంటోంది.

కియారా సినిమాలతో పాటుగా నెట్ ఫ్లిక్స్ లో ప్రసారమైన 'లస్ట్ స్టోరీస్' అనే వెబ్ సీరిస్ లో నటించింది.  ఒక సాధారణ హౌస్ వైఫ్ పాత్రలో నటించిన కియారా కొన్ని బోల్డ్ సీన్లలో నటించి అందరినీ షాక్ కు గురిచేసింది.  కియారా బోల్డ్ యాక్టింగ్ దెబ్బకు యూత్ లో ఆమెకు క్రేజ్ ఫుల్ గా వచ్చేసింది.  ఈమధ్య ఇంటర్వ్యూ లో ఆ వెబ్ సిరీస్ గురించి మాట్లాడుతూ  హీరోయిన్ అంటే అన్నీ చేయాలి కదా.. అందుకే ఒప్పుకున్నానని అంటోంది. కరణ్ జోహార్ దర్శకుడు కాబట్టి పెద్దగా ఆలోచించకుండా అందులో నటించిందట. "ఆ సీరీస్ నాకు చాలా గుర్తింపు తెచ్చిపెట్టింది. నా ఎక్స్ ప్రెషన్స్ బాగున్నాయని అందరూ మెచ్చుకున్నారు. లస్ట్ స్టోరీస్ తో నాకు ఫిమేల్ ఫాలోయింగ్ పెరగడం చాలా సంతోషాన్నిచ్చింది" అంటూ దిల్ ఖుష్ అయిపోయింది కియారా.   లస్ట్ స్టోరీస్ చేసినందుకు తనకేం బాధ లేదని.. గర్వంగా ఉందని తేల్చేసింది.

ఇక 'వినయ విధేయ రామ' గురించి మాట్లాడుతూ "ఈ సినిమాలో రామ్ చరణ్ డైలాగ్ 'కొ..ణి..దె..ల' నాకు ఫేవరెట్.  నేను కూడా సినిమాలో ఆ డైలాగ్ చెప్పాను" అని వెల్లడించింది. ఇదిల ఉంటే కియారా హిందీలో 'అర్జున్ రెడ్డి' రీమేక్ 'కబీర్ సింగ్' లో నటిస్తోంది.  ఇది కాకుండా మరో సినిమాకు కూడా సైన్ చేసిందట.