బాలీవుడ్.. తారక్ మరొకటి వాళ్ళతోనేనా?

టాలీవుడ్ యంగ్ టైగర్ జూనియర్ ఎన్టీఆర్.. రీసెంట్ గా దేవర మూవీతో ప్రేక్షకుల ముందుకు వచ్చిన విషయం తెలిసిందే. కొరటాల శివ దర్శకత్వంలో వచ్చిన ఆ మూవీ.. సినీ ప్రియులను మెప్పించి మంచి వసూళ్లు సాధించి మేకర్స్ కు లాభాలు తెచ్చి పెట్టింది. అయితే దేవర తర్వాత తన అప్ కమింగ్ చిత్రాలపై దృష్టి పెట్టారు తారక్. త్వరలో కోలీవుడ్ స్టార్ డైరెక్టర్ ప్రశాంత్ నీల్ తో చేయాల్సిన సినిమాను స్టార్ట్ చేయనున్నారు.

2025 స్టార్టింగ్ లో తారక్- నీల్ ప్రాజెక్టు సెట్స్ పైకి వెళ్లనున్నట్లు సమాచారం. 2026 సంక్రాంతికి ఆ మూవీ.. ప్రేక్షకుల ముందుకు రానున్నట్లు ఇప్పటికే మేకర్స్ అనౌన్స్ చేశారు. టాలీవుడ్ బడా ప్రొడక్షన్ హౌస్ మైత్రీ మూవీ మేకర్స్ భారీ బడ్జెట్ తో నిర్మించనుంది. మరో కోలీవుడ్ డైరెక్టర్ నెల్సన్ చెప్పిన కథకు ఎన్టీఆర్.. రీసెంట్ గా గ్రీన్ సిగ్నల్ ఇచ్చినట్లు టాక్ వినిపిస్తోంది. త్వరలోనే అఫిషియల్ స్టేట్మెంట్ కూడా రానుందని వినికిడి.

అయితే టాలీవుడ్ లో తనకంటూ స్పెషల్ మార్క్ క్రియేట్ చేసుకున్న తారక్.. బాలీవుడ్ లో ఇప్పుడు డెబ్యూ మూవీ చేస్తున్న విషయం తెలిసిందే. బీటౌన్ స్టార్ హీరో హృతిక్ రోషన్ తో కలిసి వార్ -2 మూవీలో నటిస్తున్నారు. సినిమాలో నెగెటివ్ షేడ్స్ ఉన్న రోల్ లో కనిపించనున్నట్లు ఎప్పటి నుంచో వార్తలు వస్తున్నాయి. నెవ్వర్ బిఫోర్ అనేలా ఎన్టీఆర్ రోల్ ఉంటుందని తెలుస్తోంది.

రీసెంట్ గా తారక్ లుక్స్ లీక్ అయ్యి సోషల్ మీడియాలో వైరల్ అయ్యాయి. దీంతో వార్ -2 లో ఎన్టీఆర్ ఓ రేంజ్ లో అలరించనున్నట్లు అంతా ఫిక్స్ అయిపోయారు. అయాన్ ముఖర్జీ దర్శకత్వం వహిస్తున్న ఆ మూవీపై ఇప్పటికే భారీ అంచనాలు నెలకొన్నాయి. స్వాతంత్య్ర దినోత్సవం కానుకగా వచ్చే ఏడాది ఆగస్ట్ 15న ప్రేక్షకుల ముందుకు రానున్న మూవీ కోసం అంతా వెయిట్ చేస్తున్నారు.

అదే సమయంలో ఇప్పుడు సోషల్ మీడియాలో ఇంట్రెస్టింగ్ న్యూస్ చక్కర్లు కొడుతోంది. బాలీవుడ్ లో వార్ -2 తర్వాత మరిన్ని సినిమాల్లో నటించాలని తారక్ ఫిక్స్ అయ్యారని తెలుస్తోంది. అగ్ర దర్శకులతో కలిసి పనిచేయాలని ఎన్టీఆర్ ఆసక్తిగా ఉన్నారని సమాచారం. వార్ -2 ప్రొడక్షన్ హౌస్ ప్రముఖ సంస్థ యష్ రాజ్ ఫిల్మ్స్ భారీ బడ్జెట్‌ తో ఎన్టీఆర్‌ తో మరో సినిమా తీయడానికి రెడీ అయినట్లుగా టాక్ వినిపిస్తోంది.

ఇప్పటికే ఆదిత్య చోప్రా, ఎన్టీఆర్ మధ్య డిస్కషన్స్ జరిగినట్లు తెలుస్తోంది. ప్రస్తుతం చర్చలు ప్రారంభదశలో ఉన్నాయని సమాచారం. అయితే ఎన్టీఆర్ ఓకే అంటే.. అయాన్ ముఖర్జీ దర్శకత్వం వహించడానికి రెడీగా ఉన్నట్లు ఇండస్ట్రీలో గుసగుసలు వినిపిస్తున్నాయి. వార్ -2 రిలీజ్ కు ముందే అనౌన్స్మెంట్ రానుందని సమాచారం. ఇప్పుడు ఈ విషయం నెట్టింట వైరల్ గా మారినా.. ఎంత వరకు నిజమో తెలియాలంటే కొద్దిరోజుల పాటు వెయిట్ చేయాల్సిందే .