భరత్ ప్రేయసి కథ ఏంటసలు?

మహేష్ బాబు మోస్ట్ అవెయిటెడ్ మూవీ భరత్ అనే నేనుతో టాలీవుడ్ ఎంట్రీ ఇస్తున్న కైరా దత్ మీద అంచనాలు బాగానే ఉన్నాయి. ట్రైలర్ లో తనను ఎక్కువగా చూపించకపోయినా సాంగ్స్ కి సంబంధించిన లిరికల్ వీడియోస్ లో తన క్యూట్ నెస్ బయటపడిపోయింది. మహేష్ గ్లామర్ తో పోటీ పడేంత సీన్ ఎవరికైనా ఉంటుందని చెప్పలేం కాని కైరా మాత్రం ఫ్రెష్ లుక్ తో ప్రిన్స్ పక్కన పర్ఫెక్ట్ మ్యాచ్ గా అనిపించింది. ఇక తన పాత్ర గురించి ఇప్పటికే రకరకాల వార్తలు ప్రచారంలో ఉన్నాయి. సిఎంగా చేస్తున్న మహేష్ కి పర్సనల్ సెక్రటరీగా ఉంటుందని అతన్ని అంటిపెట్టకుంటూనే ప్రేమలో పడేసే పాత్రలో కనిపిస్తుందని చెప్పుకుంటూ వచ్చారు. కాని అవేవి నిజం కాదని కైరా స్వయంగా చెబుతోంది. ఇందులో తనది పక్కింటి అమ్మాయి తరహాలో కనిపించే పాత్రని కథకు కీలక మలుపుకు కూడా కారణమయ్యేలా తన పాత్ర కొరటాల శివ తీర్చిదిద్దరాని చెప్పింది.

ఇందులో కైరాకు తండ్రి పాత్రలో రావు రమేష్ నటించారు. ట్రైలర్ లో ఒక సీన్ వాయిస్ ఓవర్ లో రాజకీయ నాయకుడు వస్తాడు అనుకుంటే నాయకుడు వచ్చాడు అని చెప్పడం ఆయన గొంతులోనే వినిపిస్తుంది. అంటే బలమైన కనెక్షన్ ఏదో ఉన్న మాట నిజమే అనుకోవాలి. నిజానికి ఇందులో మహేష్ కి సెక్రటరీగా నటిస్తోంది బ్రహ్మాజీ. అది ట్రైలర్ లో పోస్టర్స్ లో గమనించవచ్చు. సో భరత్ పక్కన కైరా పాత్ర గురించి క్లారిటీ వచ్చినట్టే. ఎల్లుండి విడుదల కోసం ఫాన్స్ చాలా ఆతృతగా ఎదురు చూస్తున్నారు. ప్రీ పాజిటివ్ బజ్ చాలా ఉండటం ఓపెనింగ్స్ కు హెల్ప్ అవుతోంది. ఇది విడుదల కాకుండానే రామ్ చరణ్ సినిమాలో ఛాన్స్ కొట్టేసిన కైరాని భరత్ అనే నేను వర్కింగ్ స్టిల్స్ లో చూసే బోయపాటి శీను చరణ్ కోసం ఎంచుకున్నట్టు సమాచారం. మరి అంతలా మేజిక్ చేసిన కైరా మహేష్ తో ఎలాంటి అల్లరి చేసిందో తెలియాలంటే ఇంకొక్క 40 గంటలు ఆగితే సరి.