అమృత పెళ్లిలో కోలీవుడ్

సినీ తారలకు సంబంధించిన పెళ్లి వేడుకాలంటే ఈ రోజుల్లో అందరి దృష్టి వారిపైనే ఉంటుంది. పెళ్లి మొదలవ్వకముందే ఓ రేంజ్ ఉంటుంది. ఇక పెళ్లి రోజు అయితే పెళ్లి పందిరిలో తారల కోలాహలం మాములుగా ఉండదు. రీసెంట్ గా సీనియర్ నటి సీత కుమార్తె పెళ్లి కూడా అదే రేంజ్ లో జరిగింది. దాదాపు కోలీవుడ్ సెలబ్రెటీలాంత అక్కడే కనిపించారు. చిన్న తరహా నటి నటుల నుంచి బడా దర్శకుల వరకు పెళ్లికి వచ్చారు.

సీత, పార్తీపన్ కూతురు అయిన పీఎస్ కీర్తనను  అక్కినేని అక్షయ్‌ వివాహం చేసుకున్నాడు. కీర్తన చిన్నప్పుడే నటిగా తెరపై అలరించింది. మణిరత్నం దర్శకత్వంలో తెరకెక్కిన అమృతం సినిమాలో అమృతగా కీర్తన నటించింది. ఇక పెళ్లి కొడుకు మరెవరో కాదు. అక్షయ్ కూడా ఫిల్మ్ ఇండస్ట్రీకి చెందిన వ్యక్తే. ప్రముఖ ఎడిటర్ అక్కినేని శ్రీకర ప్రసాద్ కుమారుడైన ఈ వరుడు అక్షయ్.. సూపర్ హిట్ పిజ్జా సినిమాను హిందీలో రీమేక్ చేసి దర్శకుడిగా మంచి గుర్తింపు తెచ్చుకున్నాడు. చెన్నై లో ఘనంగా వీరి వివాహం జరిగింది.

ఇక వదువరులను ఆశీర్వదించడానికి సీనియర్ స్టార్ హీరోలు దర్శకులు వారి ఫ్యామిలీ మెంబర్స్ తో కలిసి వచ్చారు. కమల్ హాసన్ రజినీకాంత్ ప్రభుదేవా విజయ్ వంటి హీరోలతో పాటు డీఎంకే అధినేత స్టాలిన్ కూడా వచ్చారు. రచయిత వైరముత్తు దర్శకులు మణిరత్నం - బాలా - మిస్కిన్ కమెడియన్ వివేక్ కూడా నూతన వదువరులను ఆశీర్వదించారు.