చెర్రీ సినిమా ఆయ‌న‌తోనే సెట్ట‌వ్వొచ్చా?!

ఓ స్టార్ హీరో కొత్త సినిమాకోసం కొబ్బ‌రికాయ కొట్టాడంటే అంద‌రూ ఆ సినిమాలో ఇంట్రెస్టింగ్ థింగ్స్ ఏమున్నాయా అంటూ ఆరా తీస్తుంటారు. అందులోని విశేషాల్ని ఎప్పుడెప్పుడు విందామా అని ఆత్రుత ప‌డుతుంటారు. అదే సినిమా ఇక చివ‌రి ద‌శ‌కు వ‌చ్చింద‌ని తెలిసింద‌నుకోండి. అందులోని విశేషాల‌కంటే త‌దుప‌రి ఈ హీరో ఎవ‌రితో సినిమా చేస్తాడా అన్న విష‌యంపై కాన్సంట్రేట్ చేస్తుంటారు. ఆ ద‌ర్శ‌కుడితో  అంట ఈ నిర్మాత‌ల‌తో అంట అంటూ మాట్లాడుకొంటుంటారు. అఫీషియ‌ల్ న్యూస్ బ‌య‌ట‌కొచ్చేవ‌ర‌కు ఇదే వ‌ర‌స‌. ఇప్పుడు చెర్రీ విష‌యంలోనూ అదే జ‌రుగుతోంది. రామ్‌చ‌ర‌ణ్ క‌థానాయ‌కుడిగా న‌టిస్తున్న `బ్రూస్‌ లీ` చివ‌రి ద‌శ‌కు చేరుకొంది. అందులో పాట గురించి, చిరంజీవి న‌ట‌న గురించి ఎంత ఇంట్ర‌స్టింగ్‌ గా మాట్లాడుకొంటున్నారో,  ఈ సినిమా త‌ర్వాత చ‌ర‌ణ్ చేయ‌బోయే కొత్త సినిమా గురించి కూడా అదే ఆస‌క్తి, ఆత్రుత‌తో మాట్లాడుకొంటున్నారు. సురేంద‌ర్ రెడ్డి - గౌత‌మ్‌మీన‌న్ ఇలా చాలా మంది  ద‌ర్శ‌కుల పేర్లు వినిపిస్తున్నాయి. తాజాగా క్రిష్ కూడా లైన్ లోకి వ‌చ్చాడు.  

మెగా హీరోలు ఎప్పుడూ  ఓ సంప్ర‌దాయం త‌ప్ప‌కుండా పాటిస్తుంటారు. ఓ ద‌ర్శ‌కుడో, క‌థానాయికో ఓ హీరో ప‌క్క‌న చేరి హిట్ కొడితే... మిగ‌తా హీరోలంతా వాళ్ల‌ని వాడేసుకొంటుంటారు. సురేంద‌ర్‌ రెడ్డి పేరు వినిపించిందంటే కార‌ణం అదే. అల్లు అర్జున్‌ తో  `రేసుగుర్రం` చేసి హిట్టు కొట్టిన  వెంట‌నే సూరీ - చ‌ర‌ణ్ కాంబినేష‌న్ వార్త  బ‌య‌ట‌కొచ్చింది.  ఇప్పుడు క్రిష్‌ కీ అలాంటి ఆఫ‌రే వ‌చ్చిన‌ట్టుంది. క్రిష్ ద‌ర్శ‌క‌త్వంలో వ‌రుణ్ తేజ్ హీరోగా `కంచె`  తెర‌కెక్కింది. ఈ సినిమా హిట్ట‌యితే గ‌నుక‌.. రామ్‌ చ‌ర‌ణ్‌ తోనే  క్రిష్ సినిమా చేసే అవ‌కాశాలు పుష్క‌లంగా ఉన్నాయి. ఎందుకంటే క్రిష్‌ తో ఓ సినిమా చేయాల‌ని చ‌ర‌ణ్ ఎప్ప‌టి నుంచో అనుకొంటున్నాడ‌ట‌. ఐదేళ్ల క్రిత‌మే క్రిష్‌.. చ‌ర‌ణ్‌ కి ఓ క‌థ కూడా వినిపించాడ‌ట‌. అయితే స‌గం క‌థే చెప్పాడ‌ట‌. పూర్తి క‌థ ఎప్పుడు చెబుతావ్‌, నాతో ఎప్పుడు సినిమా చేస్తావ్ అంటూ క్రిష్‌ ని స్వ‌యంగా ఆడియో ఫంక్ష‌న్‌ లో  అడిగేశాడు చ‌ర‌ణ్‌. పైగా క్రిష్ ద‌గ్గ‌ర కూడా స్టార్ హీరోల స్థాయి కథ‌లు రెడీగా ఉన్నాయి. మ‌హేష్‌ తో సినిమా చేయాల‌ని ఆయ‌న ఎప్పుడో క‌థ సిద్ధం చేసుకొన్నాడు. అన్నీ అనుకొన్న‌ట్టు జ‌రిగి, `కంచె` సినిమా కూడా హిట్ట‌య్యిందంటే చెర్రీ - క్రిష్ కాంబినేష‌నే సెట్ట‌వ్వొచ్చ‌ని అంటున్నారు. పైగా ఈ ఇద్ద‌రూ కూడా ఇప్ప‌టిదాకా ఏ ప్రాజెక్టూ ఫైన‌లైజ్ చెయ్య‌లేదు.