దెబ్బకి మేనేజర్లు ఎలర్ట్ అయిపోయారు

చాలామంది హీరోలు హీరోయిన్లు కూడా తమ మేనేజర్లు ఏం చెబితే అదే చేస్తుంటారు. అలా ఒక వ్యక్తిని నమ్మకపోతే మాత్రం చాలా కష్టమే. ఎందుకంటే ఏ ప్రాజెక్టులు సైన్ చేయాలి అనే విషయంలో క్లారిటీ మిస్సవుతుంది. అఫ్ కోర్స్ ప్రకాష్‌ రాజ్ వంటి వెర్సటైల్ స్టార్లు మాత్రం అస్సలు మేనేజర్ అనే వ్యక్తి లేకుండా తామే స్వయంగా తమ డేట్లను మేనేజ్ చేసుకుంటూ ఉంటారులే.

ఇక మ్యాటర్ లోకి దిగితే.. మొన్ననే కృష్ణవంశీ ఒక విషయాన్ని రెండోసారి చెప్పాడు. అదేంటంటే.. గోవిందుడు అందరివాడేలే సినిమా కథను రామ్ చరణ్‌ కు చెబుదామని ప్రయత్నిస్తే.. అతని మేనేజర్ మాత్రం అసలు చరణ్‌ తో వంశీని కలవనివ్వలేదట. అసలే సీనియర్ డైరక్టర్.. పైగా అన్నీ ఫ్లాపులే తీస్తున్నాడు. ఇటువంటి దర్శకుడితో చరణ్‌ చేసేదేంటి సినిమా అన్నట్లు ఆ మేనేజర్ ఈయన్ను దూరంగా పెట్టాడట. తరువాత వంశీ వేరే ఛానల్ లో చరణ్‌ కు కలవడం.. కథ చెప్పడం.. సినిమా చెయ్యడం కూడా జరిగిపోయాయ్. కాకపోతే ఇప్పుడు ఆ మేనేజర్ గురించి కృష్ణవంశీ రివీల్ చేసేయడంతో.. సదరు మేనేజర్ ఎవరనేది ఇండస్ర్టీ అంతా తెలిసిపోయింది. దాని వలన అతనికి నష్టమే కాని లాభం లేదు.

ముఖ్యంగా ఏంటంటే.. అసలు మేనేజర్లు ఇలా మంచి కతలు మన దగ్గరకు రానివ్వకుండా చేస్తున్నారా అంటూ హీరోలు కాస్త హర్టయిపోయి.. జాగ్రత్తపడుతున్నారు. ఏ దర్శకుడు కాల్ చేసినా కూడా తమకు డైరక్ట్ గా లింక్ చేయాలని అంటున్నారట. మేనేజర్లు అందరూ ఎలర్ట్ అయిపోయారు అని తెలుస్తోంది. రిస్క్ తీసుకోకుండా.. ఎవరు ఫోన్ చేసినా తమ స్టార్లకు లింక్ చేసేస్తున్నారట. అది సంగతి.

Like Us on Facebook : https://www.facebook.com/Tupakidotcom/