బిగ్ అప్డేట్ః మ‌హేష్ బాబు స‌ర‌స‌న‌ కృతిశెట్టి?

ప‌ద్దెనిమిదేళ్లు కూడా నిండ‌ని కృతిశెట్టి.. టాలీవుడ్లో దూసుకెళ్తున్న తీరుచూస్తుంటే.. పోటీదారుల‌తోపాటు అంద‌రూ ఆశ్చ‌ర్యంతో క‌ళ్లు పెద్ద‌వి చేస్తున్నారు. ఉప్పెన‌తో యావ‌త్ ఇండ‌స్ట్రీని, తెలుగు ప్రేక్ష‌కుల చూపు త‌న‌వైపు తిప్పుకున్న శాండ‌ల్ వుడ్ బ్యూటీ.. ఆ సినిమా బ్లాక్ బ‌స్ట‌ర్ హిట్ కొట్ట‌డంతో ఆఫ‌ర్ల వెల్లువ‌లో త‌డిసి ముద్ద‌వుతోంది.

ఉప్పెన త‌ర్వాత.. నేచుర‌ల్ స్టార్ నాని శ్యామ్ సింగ‌రాయ్ లో న‌టిస్తోంది కృతిశెట్టి. ఆ సినిమా పూర్తికాక‌ముందే.. ఎన‌ర్జిటిక్ హీరో రామ్ స‌ర‌స‌న ఛాన్స్ కొట్టేసింది. త‌మిళ ద‌ర్శ‌కుడు లింగుస్వామి డైరెక్ష‌న్లో తెర‌కెక్క‌నున్న ఈ సినిమాలో సూప‌ర్ ఛాన్స్ ద‌క్కించుకుంది.

ఈ ఆఫ‌ర్లే ఇలా ఉన్నాయంటే.. ఇప్పుడు ఏకంగా టాప్ స్టార్ స‌ర‌న న‌టించే చాన్స్ వ‌చ్చింద‌ని స‌మాచారం. సూప‌ర్ స్టార్ మ‌హేష్ బాబు స‌ర‌స‌న ఈ అమ్మ‌డికి ఛాన్స్ వ‌చ్చిన‌ట్టుగా ఫిల్మ్ స‌ర్కిల్స్ లో చ‌ర్చ న‌డుస్తోంది. ప్ర‌స్తుతం స‌ర్కారు వారి పాటతో మ‌హేష్ బిజీగా ఉన్నాడు ఈ సినిమా త‌ర్వాత రాజ‌మౌళితో సినిమా లైన్లో ఉన్న విష‌యం తెలిసిందే.

అయితే.. ఆ సినిమా స్టార్ట్ అయ్యే లోపు మ‌రో సినిమా ఫినిష్ చేయాల‌ని ఆలోచిస్తున్నాడంటూ వార్త‌లు వ‌చ్చిన సంగ‌తి తెలిసిందే. ఇప్పుడు అది క‌న్ఫామ్ అయిన‌ట్టుగా తెలుస్తోంది. అది కూడా మ‌రోసారి అనిల్ రావిపూడికే ఛాన్స్ ద‌క్కిన‌ట్టు స‌మాచారం. ఈ సినిమాలోనే కృతిశెట్టిని అనుకుంటున్న‌ట్టు తెలుస్తోంది. ఈ చాన్స్ గన‌క ఫైన‌ల్ అయ్యిందే.. టాప్ సీట్లో అమ్మ‌డు క‌ర్చీఫ్ వేసే టైమ్ ఎంతో దూరంలో లేద‌ని చెప్పొచ్చు.