అక్క‌డ అజిత్.. ఇక్క‌డ ప‌వ‌న్

ఎదిగినా ఒదిగి ఉండే స్వ‌భావం .. క‌ష్టాల్లో ఉన్న‌వారిని ఆదుకోవాల‌న్న నేచర్ .. చాలా త‌క్కువ‌మందికే ఉంటాయి. ఎదిగేకొద్దీ ఓవ‌రాక్ష‌న్ చేసేవాళ్ల‌ను మ‌నం నిత్యం చూడొచ్చు. అయితే టాలీవుడ్‌ - కోలీవుడ్‌ లో ఓ ఇద్ద‌రు స్టార్లు గొప్ప విల‌క్ష‌ణ‌త ఉన్న‌వారిగా - సామాజిక విజ్ఞానం - మంచిత‌నం అనే మంచి ల‌క్ష‌ణాలు ఉన్న‌వారిగా పొగ‌డ్త‌లు అందుకుంటున్నారు. త‌మ‌తో పాటే న‌టించిన లేదా ఆడిపాడిన హీరోయిన్‌ లు ఈ విష‌యాన్ని ఓపెన్‌ గానే చెబుతున్నారు. కోలీవుడ్ స్టార్ హీరో అజిత్‌ - టాలీవుడ్ స్టార్ హీరో ప‌వ‌న్‌ క‌ల్యాణ్ ఈ ఇద్ద‌రితో .. త‌న ప‌ని అనుభ‌వాన్ని చెబుతోంది ల‌క్ష్మీరాయ్‌. అంతేకాదు అజిత్ ఎంత గొప్ప మాన‌వ‌తావాదో.. ప‌వ‌న్ క‌ల్యాణ్ కూడా అంతే గొప్ప మాన‌వ‌తావాది అంటూ ఆకాశానికెత్తేసింది.

అప్ప‌ట్లో అజిత్ కీల‌క‌పాత్ర‌లో వెంక‌ట్ ప్ర‌భు ద‌ర్శ‌క‌త్వం వ‌హించిన మ‌న్‌ క‌థ (తెలుగులో గ్యాంబ్ల‌ర్) చిత్రంలో ల‌క్ష్మీరాయ్‌ కి పూర్తి స్థాయి క్యారెక్ట‌ర్ ద‌క్కింది. అజిత్‌ కి కెరీర్ 50వ సినిమాలో ల‌క్కీరాయ్‌ ఆడిపాడింది. ఆ సినిమా త‌న‌కి కోలీవుడ్‌ లో ట‌ర్నింగ్ పాయింట్‌. అలాగే ఇప్పుడు ప‌వ‌ర్‌ స్టార్ ప‌వ‌న్‌ క‌ల్యాణ్ స‌ర్ధార్ గ‌బ్బ‌ర్‌ సింగ్‌ లో ఛాన్సిచ్చి ల‌క్ష్మీరాయ్‌ ని ఆదుకున్నారు. స‌రైన టైమింగ్‌ లో వ‌చ్చిన ఆఫ‌ర్ ఇది. ఈ ఛాన్స్ ప‌వ‌న్ వ‌ల్లే త‌న‌కి ద‌క్కింద‌ని ల‌క్ష్మరాయ్ తెగ మురిసిపోతోంది. ఆన్‌ సెట్స్ అనుభ‌వాల్ని ముచ్చ‌టిస్తూ ప‌వ‌న్ లాంటి గొప్ప మాన‌వ‌తా వాదిని, డౌన్ టు ఎర్త్ ఉండే స్టార్‌ ని చూడ‌లేద‌ని ప్ర‌శంసించింది. హైద‌రాబాద్ నాన‌క్‌ రామ్‌గూడ రామానాయుడు విలేజీలో భారీ సెట్ వేసి ప‌వ‌న్ -ల‌క్ష్మీరాయ్‌ పై ఓ స్పెష‌ల్‌ సాంగ్‌ ని తెర‌కెక్కించారు. చాలామంది హీరోల‌తో న‌టించాను కానీ ప‌వ‌న్ లాంటి హీరోని చూడ‌లేద‌ని పొగిడేసింది ల‌క్ష్మీ.. అదీ సంగ‌తి.