ఏ ఫర్ అమెరికా.. యాక్టింగ్ ఛాన్స్

టాలీవుడ్ నిర్మాతల్లో మధుర శ్రీధర్ ది ప్రత్యేక శైలి. తన చిత్రాలతో ఎప్పటికప్పుడు ఈ విషయాన్ని నిరూపించుకుంటున్న ఈ ప్రొడ్యూసర్.. ప్రస్తుతం ఫ్యాషన్ డిజైనర్ సన్నాఫ్ లేడీస్ టైలర్ ను నిర్మిస్తున్నారు. టాలీవుడ్ క్లాసిక్ గా గుర్తింపు పొందిన లేడీస్ టైలర్ ఇది సీక్వెల్. ఇప్పుడు నిర్మాత మధుర శ్రీధర్ మరో చిత్రాన్ని అనౌన్స్ చేశారు.

'ఏ ఫర్ అమెరికా' అనే టైటిల్ పై అర్బన్ కామెడీ జోనర్ లో ఈ మూవీ తెరకెక్కనుండగా.. సుజోయ్.. సుశీల్ అనే జంట దర్శకులు ఈ చిత్రాన్ని డైరెక్ట్ చేయనున్నారు. 'ఈ జంట దర్శకులు మాంచి ఇంట్రెస్టింగ్ సబ్జెక్ట్ ని తీసుకు వచ్చారు. వారి ఆలోచన.. కంటెంట్ విషయంలో చూపించిన పట్టు విపరీతంగా నచ్చేసింది. అందుకే ఈ చిత్రాన్ని వెంటనే ప్రారంభించాలని నిర్ణయించుకున్నాను. మరో నిర్మాతగా అప్పిరెడ్డి వ్యవహరిస్తారు. షూటింగ్ కూడా వెంటనే ప్రారంభించాలని చూస్తున్నాం. ప్రస్తుతం ఈ చిత్రంలో లీడ్ రోల్స్ కోసం స్టార్ హంట్ నిర్వహించబోతున్నాం. ఆసక్తి కలవారు తమ ప్రొఫైల్స్ ను aforamerica@yahoo.comకు పంపచ్చు' అని చెప్పారు నిర్మాత మధుర శ్రీధర్.

సునీల్ కశ్యప్ ఈ చిత్రానికి సంగీతం అందించనుండగా.. వీలైనంతవరకూ అందరూ కొత్తవారితో ఈ మూవీ తెరకెక్కనుందని తెలుస్తోంది.

Like Us on Facebook : https://www.facebook.com/Tupakidotcom/