గుమ్మడికాయ కొట్టే టైమ్ వచ్చిందోచ్!

సూపర్ స్టార్ మహేష్ బాబు ప్రస్తుతం 'మహర్షి' సినిమా చివరిదశ షూటింగ్ లో పాల్గొంటున్నాడు. దర్శకుడు వంశీ పైడిపల్లి మెజారిటీ షూటింగ్ పూర్తి చేసినా కొన్ని పెండింగ్ సీన్లను చిత్రీకరిస్తూ సినిమాకు ఫినిషింగ్ టచెస్ ఇస్తున్నాడట.  వీటితో పాటుగా ఏప్రిల్ 15 లోపు రెడు పాటలను కూడా హైదరాబాద్ లో చిత్రీకరిస్తాని సమాచారం.

ఏప్రిల్ 15 న మరో రెండు పాటల చిత్రీకరణ కోసం అబూదాబికి 'మహర్షి' టీమ్ పయనమవుతోందట. వారం రోజులపాటు అక్కడున్న బ్యూటిఫుల్ లోకేషన్స్ లో పాటలను చిత్రీకరిస్తారట.  ఈ షెడ్యూల్ పూర్తయిన తర్వాత 21 న హైదరాబాద్ కు తిరిగి వస్తారని హైదరాబాద్ లో గుమ్మడికాయ ఫంక్షన్ చేస్తారని సమాచారం.  అంతలోపే ప్రమోషన్స్ జోరు పెంచే ప్లాన్స్ వేసుకున్నారట.  ఎలెక్షన్స్ హంగామా ఏప్రిల్ 11 వ తారీఖున పూర్తి అవుతుంది కాబట్టి.. ఆ తర్వాతే ప్రమోషన్స్ జోరు పెంచాలని అనుకుంటున్నారట.

రీసెంట్ గా 'మహర్షి' నుండి మొదటి లిరికల్ సాంగ్ 'ఛోటీ ఛోటీ బాతే' లిరికల్ సాంగ్ ను విడుదల చేసిన సంగతి తెలిసిందే.  ఈ పాటకు మంచి స్పందనే దక్కింది.  మహేష్ లాస్ట్ ఫిలిం 'భరత్ అనే నేను' కు దేవీశ్రీప్రాద్ సూపర్ హిట్ ఆల్బమ్ అందించాడు కాబట్టి ఈ సినిమాకూ అదే మ్యాజిక్  రిపీట్ చేస్తాడని అంచనాలు ఉన్నాయి. మహేష్ బాబు సరసన పూజా హెగ్డే హీరోయిన్ గా నటిస్తున్న ఈ సినిమాలో అల్లరి నరేష్ ఒక కీలక పాత్ర పోషిస్తున్నాడు