ప‌వ‌న్ క్లియర్ చేశాడు.. బాకీ ఉంది మ‌హేష్ మాత్రమే!

ప‌వ‌ర్ స్టార్ ప‌వ‌న్ క‌ల్యాణ్ పీరియాడిక‌ల్ డ్రామా.. ఇప్పుడు అభిమానుల‌ను ఓ రేంజ్ లో ఊపేస్తోంది. ‘వీర‌మ‌ల్లు’ మేనియా వారిని వెంటాడుతోంది. శివ‌రాత్రి సంద‌ర్భంగా క్రిష్ రిలీజ్ చేసిన గ్లింప్స్ రోమాంచితంగా ఉండ‌డంతో.. సినిమాపై అంచ‌నాలు ఆకాశంలో కొన‌సాగుతున్నాయి.

అంతేకాదు.. సంక్రాంతి బ‌రిలో ఈ చిత్రాన్ని నిల‌ప‌బోతున్నామ‌ని అఫీషియ‌ల్ గా ప్ర‌క‌టించిన యూనిట్ మ‌రో విష‌యంలోనూ క్లారిటీ ఇచ్చేసింది. ‘వీర‌మ‌ల్లు’ సినిమా పాన్ ఇండియన్ మూవీగా రాబోతోందని గ్రాండ్ గా అనౌన్స్ చేశారు మేకర్స్. అన్ని భాషలను టైటిల్స్ నూ రిలీజ్ చేసి, అద్భుతః అనిపించారు.

కాగా.. ఇటు సూప‌ర్ స్టార్ మ‌హేష్ మూవీ కూడా సంక్రాంతి బ‌రిలో నిలిచిన విష‌యం తెలిసిందే. మ‌హేష్ ఫ్యాన్స్ ఈగ‌ర్ గా వెయిట్ చేస్తున్న ఈ చిత్రాన్ని ప్ర‌తిష్టాత్మ‌కంగా తెర‌కెక్కిస్తున్నాడు ప‌ర‌శురాం. దుబాయ్ షెడ్యూల్ త‌ర్వాత ఇండియాలో శ‌ర‌వేగంగా ఈ సినిమా షూట్ కొన‌సాగుతోంది. ఈ సినిమా స‌క్సెస్ తో ప్రిన్స్‌ జైత్ర‌యాత్ర కొన‌సాగాల‌ని ఆశిస్తున్నారు ఫ్యాన్స్‌.

అయితే.. ఈ సినిమాకు సంబంధించిన ట్రైల‌ర్ రిలీజ్ కావ‌డానికి చాలా టైం ఉంది. అయితే.. ఇది పాన్ ఇండియా మూవీగా రాబోతోందా? లేదా? అనేది క‌న్ఫాం కావాల్సి ఉంది. ఇప్ప‌టి వ‌ర‌కూ ఉన్న ప్ర‌చారం ప్ర‌కారం.. ‘స‌ర్కారు వారి పాట‌’ను పాన్ ఇండియా రేంజ్ లోనే తెర‌కెక్కించ‌బోతున్నారని స‌మాచారం. కానీ.. అధికారికంగా ప్ర‌క‌ట‌న రాలేదు.

వ‌చ్చే సంక్రాంతి బెర్త్ ను ఇప్ప‌టికే క‌న్ఫాం చేసిన ప‌వ‌న్ - మ‌హేష్‌.. అభిమానుల్లో అటెన్ష‌న్ క్రియేట్‌ చేశారు. ఇక పాన్ ఇండియా రేంజ్ లోనూ పోటీ ప‌డ‌బోతున్నార‌ని తేలితే మాత్రం హై ఓల్టేజ్ ఫైట్ ఖాయం. ఈ విష‌యంలో బాకీ ఉన్న‌ది మ‌హేష్ మాత్ర‌మే. అది, ఎప్పుడు క‌న్ఫాం చేస్తారో చూడాలి.