శాంటా తాత ఎవ‌రో తెలిస్తే షాకే

క‌లిసుంటే క‌ల‌దు సుఖం. గ‌త కొంత‌కాలంగా మ‌న సెల‌బ్రిటీలు అనుస‌రిస్తున్న పంథా ఇది. కుటుంబ స‌మేతంగా ఒక‌రి ఇళ్ల‌లో వేడుక‌ల‌కు ఇంకొక‌రు వెళుతున్నారు. పార్టీలు, పండ‌గ‌లు, ఫ్యామిలీ ఫంక్ష‌న్లు అంటూ ఒక ఆహ్లాద‌క‌ర‌మైన వాతావ‌ర‌ణం తీసుకొచ్చారు. ముఖ్య ంగా ఇప్పుడున్న టాప్ స్టార్లంతా ఫ్యామిలీ స్నేహితులుగా ఉంటూ సెల‌బ్రేష‌న్స్ చేసుకోవ‌డం ప్ర‌ముఖంగా చ‌ర్చ‌కొచ్చింది. చ‌ర‌ణ్‌, తార‌క్, మ‌హేష్ ఎప్ప‌టిక‌ప్పుడు రెగ్యుల‌ర్‌గా క‌లుస్తున్నారు. వీళ్ల‌కు ప్ర‌భాస్, బ‌న్ని లాంటి స్టార్లు క‌లుస్తూ సెల‌బ్రేష‌న్స్ ని ప‌రుగులెత్తిస్తున్నారు. ఇక‌పోతే రామ్ చ‌ర‌ణ్ స‌తీమ‌ణి ఉపాస‌న‌, బాల‌కృష్ణ కుమార్తె బ్రాహ్మ‌ణి చాలా కాలంగా స్నేహంగా ఉంటున్న సంగ‌తి తెలిసిందే. మ‌హేష్ స‌తీమ‌ణి న‌మ్ర‌త అంద‌రితోనూ క‌లివిడిగా ఉంటూ ఎంతో ఆహ్లాదాన్ని పంచుతున్నారు. ఈ స్నేహం ఒక చ‌క్క‌ని క‌ల్చ‌ర్ కి ఆస్కారం క‌ల్పిస్తోంది.

నిన్న సాయంత్రం క్రిస్మ‌స్ సెల‌బ్రేష‌న్స్ లోనూ సెల‌బ్రిటీ ఫ్యామిలీస్ ఓచోట చేరి సంద‌డి చేయ‌డం టాలీవుడ్ లో ప్ర‌ముఖంగా చ‌ర్చ‌కొచ్చింది. ఈ సెల‌బ్రేష‌న్స్‌లో చ‌ర‌ణ్, మ‌హేష్ ఫ్యామిలీస్ తో పాటు, నారా బ్రాహ్మ‌ణి పాల్గొన్నారు. మ‌హేష్ కుమార్తె సితార  ఉపాస‌న‌కు చాలా క్లోజ్ అయిపోయి క‌నిపించింది. ఇదే వేడుక‌లో వేరొక స‌ర్ ప్రైజ్ అంద‌రినీ ఆశ్చ‌ర్య‌ప‌రిచింది.

అక్క‌డ అనూహ్య ంగా ఒక శాంటా క్లాజ్ తాత ప్ర‌త్య‌క్ష‌మ‌య్యారు. పిల్ల‌లంద‌రినీ ఆడించారు. ఇంత‌కీ ఎవ‌రా తాత అని ప‌రిశీలిస్తే ఒక‌టే షాక్. ఆ వ‌చ్చిన శాంటాక్లాజ్ తాత ఎవ‌రో కాదు.. సూప‌ర్ స్టార్ మ‌హేష్. ఆయ‌న్ని ఇలా ఇంత జోష్ లో డిఫ‌రెంట్ గా చూసిన‌వారంతా ఒక్క‌సారిగా షాక్ కి గుర‌య్యారు. మ‌హేష్ లోని ఈ కొత్త యాంగిల్ కూడా ఉందా? అంటూ స‌ర్ ప్రైజ్ అయ్యారు. పిల్ల‌లైతే గొప్ప‌గా ఎంజాయ్ చేశార‌ట‌. తాజాగా ఈ ఫోటోల్ని న‌మ్ర‌త మ‌హేష్ సామాజిక మాధ్య‌మాల్లో షేర్ చేశారు. ప్ర‌స్తుతం వీటిని అభిమానులు వైర‌ల్ చేస్తున్నారు.