మహేష్ వస్తున్నాడోచ్!

వంశీ పైడిపల్లి దర్శకత్వంలో ప్రిన్స్ మహేష్ బాబు నటిస్తున్న 25వ సినిమా షూటింగ్ వేగంగా జరుగుతోంది. డెహ్రాడూన్ లో కాలేజీ ఎపిసోడ్స్ తో జూన్ 17న  మొదలుపెట్టిన టాకీ పార్ట్ 20 రోజుల పాటు చిత్రీకరించాక ఇవాళ సాయంత్రం టీమ్ మొత్తం హైదరాబాద్ తిరిగి రానుంది. పూజా హెగ్డే తన పార్ట్ అక్కడ ఫినిష్ అయ్యింది కాబట్టి వేరే ప్రోగ్రామ్స్ కోసం డిటాచ్ అయిపోయింది. కీలకమైన అమెరికా షెడ్యూల్ త్వరలోనే స్టార్ట్ చేయబోతున్నారు. మూడు నెలల క్రితమే అదే పనిగా న్యూ యార్క్ తో పాటు కీలకమైన ప్రదేశాలన్నీ తిరిగి వచ్చి షూటింగ్ స్కెచ్ వేసుకున్న వంశీ పైడిపల్లి చాలా కీలకమైన సన్నివేశాలతో పాటు రెండు పాటలు కూడా చిత్రీకరించనున్నట్టు టాక్. అల్లరి నరేష్ కూడా ఈ షెడ్యూల్ లో ఉంటాడు. కాలేజీ బ్యాక్ డ్రాప్ కాబట్టి డిఫరెంట్ గా కనిపించేందుకు గెడ్డం పెంచిన మహేష్ అది కంటిన్యూ చేస్తాడా లేదా అనేది ప్రస్తుతానికి సస్పెన్స్.

ఏప్రిల్ 5న రిలీజ్ డేట్ ఫిక్స్ చేసుకున్న ఈ మూవీకి రాజసం అంటూ రైతుబిడ్డ అంటూ రకరకాల టైటిల్స్ ప్రచారంలో ఉన్నాయి కానీ వాటిని దర్శకుడు వంశీ పైడిపల్లి కొట్టిపారేస్తున్నాడు. భరత్ అనే నేను తరహాలో ఇందులో కూడా మెసేజ్ ఉంటుందని కాకపోతే రైతులను సెంట్రల్ పాయింట్ గా తీసుకుని వాళ్ళ సమస్యను కథకు లింక్ చేస్తారట. మహేష్ చేసిన 24 సినిమాల్లో వెంకటేష్ తో మాత్రమే మరో హీరోగా స్క్రీన్ షేర్ చేసుకున్నాడు. మళ్ళి ఇన్నేళ్ల తర్వాత అల్లరి నరేష్ తో చేయటం ఆసక్తి రేపుతోంది. మహేష్ పాత్ర తీరుతెన్నులు ఈ ఇద్దరు హీరోల మధ్య సినిమాలో ఉండే సంబంధం గురించి ఏవేవో బైట్స్ బయటికి వస్తున్నాయి కానీ కనీసం ఫస్ట్ లుక్ లేదా టీజర్ వస్తే తప్ప ఒక అంచనాకు రాలేం. దానికైనా చాలా టైం ఉంది లెండి. వెయిట్ చేయాల్సిందే.