మహేష్ బాబుకు, హీరోయిన్ శ్రీదివ్య కలిసి ఓ సినిమాలో నటించారంటే నమ్మగలరా? కానీ ఇది నిజం. తమిళంలో స్టార్ హీరోయిన్ గా పేరుతెచ్చుకున్న ఈ తెలుగమ్మాయి మహేష్ బాబు సినిమాలో నటించింది. ఆ సినిమాలో ఆమెను మహేష్ బాబు ఎత్తుకున్నాడు కూడా. ఇంతకీ ఆ సినిమా ఏదంటారా..? 14 ఏళ్ల కిందట వచ్చిన యువరాజు. ఐతే అప్పటికి శ్రీదివ్య చిన్న పిల్ల. బాలనటిగా ‘యువరాజు’ సినిమాలో శ్రీదివ్య నటించిన సంగతి ఎవరికీ తెలియదు. ఓ ఇంటర్వ్యూ లో ఈ విషయాన్ని వెల్లడించింది శ్రీదివ్య. ఆ సినిమాలో మహేష్ బాబు తనను ఎత్తుకుంటాడని.. అది తాను జీవితాంతం మరిచిపోలేని సన్నివేశమని చెప్పిందామె.
అంతే కాదు.. తన చిన్నతనంలో ఫేమస్ ‘రుతురాగాలు’ సీరియల్లో కూడా నటించానని.. అందులో చాక్లెట్ పాత్రలో కనిపించింది తానేనని.. ఆ తర్వాత శాంతినివాసం, భార్యామణి, శ్రావణ మేఘాలు లాంటి 20కి పైగా సీరియళ్లలో, కొన్ని సినిమాల్లో బాలనటిగా నటించానని.. దీని వల్ల తన స్కూల్ చదువు సరిగా సాగలేదని.. కాలేజీకి కూడా వెళ్లలేకపోయానని శ్రీదివ్య చెప్పింది. రవిబాబు తనకు అనుకోకుండా ‘మనసారా’ సినిమాలో హీరోయిన్ గా ఛాన్స్ ఇచ్చాడని.. ఆ తర్వాత బస్ స్టాప్ సినిమాలో నటించానని.. అందులో కాలేజీ అమ్మాయి పాత్ర కావడంతో షూటింగ్ సమయంలో కాలేజీ జీవితం రుచి చూశానని చెప్పింది. తమిళంలో ఎంత పేరు తెచ్చుకున్న మన తెలుగు సినిమాల్లో రాణిస్తేనే తనకెక్కువ సంతోషమని.. ఇటీవల ‘కేరింత’ సినిమా విజయవంతమవడం తనకెంతో సంతోషాన్నిచ్చిందని.. మున్ముందు మరిన్ని మంచి సినిమాల్లో నటిస్తానని శ్రీదివ్య తెలిపింది.
అంతే కాదు.. తన చిన్నతనంలో ఫేమస్ ‘రుతురాగాలు’ సీరియల్లో కూడా నటించానని.. అందులో చాక్లెట్ పాత్రలో కనిపించింది తానేనని.. ఆ తర్వాత శాంతినివాసం, భార్యామణి, శ్రావణ మేఘాలు లాంటి 20కి పైగా సీరియళ్లలో, కొన్ని సినిమాల్లో బాలనటిగా నటించానని.. దీని వల్ల తన స్కూల్ చదువు సరిగా సాగలేదని.. కాలేజీకి కూడా వెళ్లలేకపోయానని శ్రీదివ్య చెప్పింది. రవిబాబు తనకు అనుకోకుండా ‘మనసారా’ సినిమాలో హీరోయిన్ గా ఛాన్స్ ఇచ్చాడని.. ఆ తర్వాత బస్ స్టాప్ సినిమాలో నటించానని.. అందులో కాలేజీ అమ్మాయి పాత్ర కావడంతో షూటింగ్ సమయంలో కాలేజీ జీవితం రుచి చూశానని చెప్పింది. తమిళంలో ఎంత పేరు తెచ్చుకున్న మన తెలుగు సినిమాల్లో రాణిస్తేనే తనకెక్కువ సంతోషమని.. ఇటీవల ‘కేరింత’ సినిమా విజయవంతమవడం తనకెంతో సంతోషాన్నిచ్చిందని.. మున్ముందు మరిన్ని మంచి సినిమాల్లో నటిస్తానని శ్రీదివ్య తెలిపింది.