`మ‌హాన‌టి`కి మ‌హేష్ ఝ‌ల‌క్ ఇవ్వ‌బోతున్నాడా?

సూప‌ర్ స్టార్ మ‌హేష్ స‌ర‌స‌న `స‌ర్కార్ వారి పాట‌` చిత్రంలో క‌థానాయిక ఎవ‌రు? అంటే ఇంత‌కాలం కీర్తి సురేష్ ని ఎంపిక చేసారంటూ ప్ర‌చారం సాగింది. కానీ ఈ ఆఫ‌ర్ వేరొక స్టార్ హీరోయిన్ కి షిఫ్ట్ కానుంద‌న్న టాక్ వినిపిస్తోంది. మ‌హాన‌టి కీర్తి స్థానంలో జాక్ పాట్ కొట్టే ఆ క‌థానాయిక ఎవ‌రు? అన్న‌ది ఇప్ప‌టికైతే స‌స్పెన్స్.

ఐదారు నెల‌లుగా మ‌హ‌మ్మారీ లాక్ డౌన్ వ‌ల్ల ఇంటికే ప‌రిమిత‌మైన మ‌హేష్ సెట్స్ కెళ్లేందుకు గ్రీన్ సిగ్న‌ల్ ఇచ్చేయ‌డంతో ప‌ర‌శురామ్ ప‌క్కాగా షెడ్యూల్స్ ని ప్లాన్ చేశారట‌. న‌వంబ‌ర్ లో రెగ్యుల‌ర్ చిత్రీక‌ర‌ణ‌ను  ప్రారంభించ‌నున్నారు. ఇక ఈ మూవీలో వెంట‌నే క‌థానాయిక‌ను ఫైన‌ల్ చేసేయాలి అనుకోగానే కీర్తి స్థానంలో వేరొక‌ స్టార్ హీరోయిన్ ప‌ర‌శురామ్ మైండ్ లోకి వ‌చ్చింద‌ట‌. ప్ర‌స్తుతం దీనిపై చిత్ర‌యూనిట్ లో చ‌ర్చ సాగుతోంది.

ఇటీవ‌ల పాన్ ఇండియా రేంజ్! అన్న ప్ర‌చారం సాగిపోతోంది. మ‌హేష్ న‌టిస్తున్న తాజా చిత్రాన్ని తెలుగు- త‌మిళ భాష‌ల్లో విడుద‌ల చేయ‌నున్నారు. హిందీలోనూ రిలీజ‌య్యే ఆస్కారం ఉంది. అందుకే ఇప్పుడు క‌థానాయిక‌ల ఎంపిక స‌హా క్యారెక్ట‌ర్ ఆర్టిస్టుల ఎంపిక‌లో ప‌ర‌శురామ్ మ‌రింత జాగ్ర‌త్త తీసుకుంటున్నార‌ని అర్థ‌మ‌వుతోంది.