స్టార్ల మ‌ధ్య పోటీపై మెగాస్టార్ మాట‌

మాలీవుడ్ లో మెగాస్టార్ మ‌మ్ముట్టి.. సూప‌ర్ స్టార్ మోహ‌న్ లాల్ మ‌ధ్య పోటీ తెలిసిందే. ప్ర‌స్తుతం ఆ ఇద్ద‌రూ పాన్ ఇండియా కేటగిరీ చిత్రాల్లో న‌టిస్తున్నారు. త్వ‌ర‌లో ఇవి రెండూ రిలీజ్ ల‌కు రానున్నాయి. తాజాగా మ‌ల‌యాళ మెగాస్టార్ మ‌మ్ముట్టి న‌టిస్తున్న చారిత్రాత్మ‌క చిత్రం `మమాంగం` టీజ‌ర్ రిలీజై ప్ర‌శంస‌లు ద‌క్కించుకుంది. 18వ శ‌తాబ్దం నేప‌థ్యంలో తెర‌కెక్కుతున్న చిత్ర‌మిది. పాన్ ఇండియా స్థాయి మేకింగ్ తో భారీ బ‌డ్జెట్ తో ఈ చిత్రాన్ని నిర్మిస్తున్న సంగ‌తి తెలిసిందే. ఇటీవ‌ల రిలీజైన‌ టీజ‌ర్ చూసిన వాళ్లంతా సినిమా స్థాయిపై .. ఎంచుకున్న కంటెంట్ పైనా ప్ర‌శంస‌లు కురిపిస్తున్నారు.

ఈ చిత్ర ప్ర‌చార కార్య‌క్ర‌మంలో భాగంగా మ‌మ్ముట్టి ఓ బాలీవుడ్ మీడియాతో ముచ్చ‌టించారు. త‌న కో స్టార్ మోహ‌న్ లాల్ గురించి.. అత‌నితో వున్న స్నేహంపైనా.. ఇద్ద‌రి మ‌ధ్య వున్న పోటీ గురించి ప‌లు ఆస‌క్తిక‌ర విష‌యాల్ని వెల్ల‌డించారు. కొన్ని ద‌శాబ్ధాలుగా ఇద్ద‌రి మ‌ధ్య మంచి స్నేహ బంధం వుంద‌ని, అది ఇప్ప‌టికీ అలాగే కొన‌సాగుతోంద‌ని అన్నారు. ఇన్నేళ్ల ప్ర‌యాణంలో ఎన్ని ఆటు పోట్లు.. పోటాపోటీ ఏర్ప‌డినా మా స్నేహ బంధాన్ని మాత్రం కోల్పోలేదు. మోహ‌న్ లాల్ తో ఎప్పుడూ పోటీ ప‌డుతుంటాను. అది సినిమాల‌ని ఎంచుకునే విష‌యంలో.. అత‌నికి మించి న‌ట‌న‌ని ప్ర‌ద‌ర్శించ‌డంలో మాత్ర‌మే. మా ఇద్ద‌రి మధ్య నిజ‌జీవితంలో మాత్రం ఎలాంటి పోటీ వుండ‌దు. మా పోటీ అంతా సినిమాల్లోనే అంటూ కొన్ని ద‌శాబ్ధాలుగా కొన‌సాగుతున్న స్నేహ‌బంధాన్ని ఈ సంద‌ర్భంగా గుర్తు చేసుకున్నారు మ‌మ్ముట్టి.

ఎం. ప‌ద్మ‌కుమార్ ద‌ర్శ‌క‌త్వం వ‌హిస్తున్న `మ‌మాంగం` చిత్రానికి ముగ్గురు సంగీత ద‌ర్శ‌కులు ప‌ని చేస్తున్నారు. పాట‌ల‌కు ఎం. జ‌య‌చంద్ర‌న్ సంగీతం అందిస్తుండ‌గా.. నేప‌థ్య సంగీతాన్ని సంచిత్ బ‌ల్హ‌ర‌.. అంకిత్ బ‌ల్హ‌ర అందిస్తున్నారు. వ‌చ్చే నెల 18న తెలుగు- త‌మిళ- మ‌ల‌యాళ భాష‌ల్లో ఏక‌కాలంలో విడుద‌ల కాబోతోంది.