మనకు రామాయణం ఇప్పుడు కొత్తగా ప్రకాష్‌ రాజ్‌ చెప్పేదేంటండీ.. మనకు తెలియదా? అలా అడిగితే మనకు తెలుసనే చెప్పాలి. కాని ఇంతకీ ఈ విలక్షణ నటుడు చెబుదామనుకున్న రామాయణం ఏంటో.. అది కూడా తెలుసుకోవాలిగా మనం.
ఇప్పటికే ధోని - ఉలవచారూ బిర్యాని వంటి సినిమాలతో దర్శకుడిగా తన టాలెంటును ప్రూవ్‌ చేసుకున్న దర్శకుడు ప్రకాష్‌ రాజ్‌. ఒక ప్రక్కన నటన.. మరో ప్రక్కన రచన.. దర్శకత్వం.. మనోడు ఇలా మల్టిపుల్‌ టాలెంట్లను బాగానే చూపిస్తుంటాడులే. ఇప్పుడిక కొత్తగా మరోసారి దర్శకత్వ పగ్గాలు చేబడుతున్నాడు. ఈసారి మనోడు చేయబోయే సినిమా పేరు ''మన ఊరి రామాయణం''.. కన్నడ.. తెలుగులో రూపొందుతున్న ఈ సినిమా తొలి పోస్టర్ ను ప్రకాష్‌ రాజ్‌ గత రాత్రి విడుదల చేశాడు.
ఈ సినిమా పోస్టర్ ను చూస్తుంటే మాత్రం.. ఇదేదో డ్రామా వారి నేపథ్యంలో సాగే సినిమాగా అనిపిస్తోంది. ఇక ఆ పేరులో మన ఊరి రామాయణం అని ఉందంటే.. ఇప్పటికే తెలంగాణలో ఒక గ్రామాన్ని ఎడాప్ట్‌ చేసుకున్న ప్రకాష్‌ అక్కడి వాస్తవ పరిస్థితులతో ఏదైనా ప్రయోగం చేస్తున్నాడా అనే సందేహం కూడా వస్తుంది.