ఆ ఫ్యామిలీ హీరోలు కలిసికట్టుగా అయినా హిట్టు కొడతారా?

ప్రస్తుతం ఏ ఇండస్ట్రీలో చూసినా పాన్ ఇండియా.. మల్టీస్టారర్ మూవీస్ అంటున్నారు. ఇంతకుముందు ఎప్పుడు కూడా భారీ సినిమాలకు ఈ రేంజ్ లో ప్రచారం జరగలేదు. ముఖ్యంగా టాలీవుడ్ ఇండస్ట్రీలోని అందరూ హీరోల ఫ్యామిలీల నుండి బిగ్ మల్టీస్టారర్ మూవీస్ వస్తున్నాయి. ప్రస్తుతం టాలీవుడ్లో రాంచరణ్ - ఎన్టీఆర్ కలిసి నటిస్తున్న పాన్ ఇండియన్ మల్టీస్టారర్ 'రౌద్రం రుధిరం రణం'.. డార్లింగ్ ప్రభాస్ హీరోగా రూపొందుతున్న 20వ పాన్ ఇండియన్ మూవీ.. అంతేగాక అల్లు అర్జున్ పుష్ప.. ఇలా అన్నీ బిగ్గెస్ట్ రేంజ్ లో సిద్ధం అవుతున్నాయి. ఇక మల్టీస్టారర్ ల కైతే కొదవే లేదు. తాజా సమాచారం ప్రకారం.. డైలాగ్ కింగ్ మంచు మోహన్ బాబు ఫ్యామిలీ నుండి కూడా ఓ భారీ మల్టీస్టారర్ రానున్నట్లు తెలుస్తుంది. ఈ ఫ్యామిలీ ప్రస్తుతం సరైన మంచి బ్రేక్ కోసం ఎదురు చూస్తోంది.

అడపాదడపా మోహన్ బాబు ప్రత్యేక పాత్రలలో కొనసాగుతున్నా.. ఈ మధ్య మంచు హీరోలు సోలోగా విజయాలు మాత్రం అందుకోలేదు. గాయత్రి సినిమాతో సక్సెస్ అందుకోవాలని మోహన్ బాబు చాలా ప్రయత్నాలు చేశాడు. కానీ సినిమా పెట్టిన బడ్జెట్ కూడా తీసుకురాలేక పోయింది. మోహన్ బాబు వారసులు మంచు విష్ణు.. మనోజ్ కూడా హీరోగా సరైన విజయాలు అందుకోలేదు. అయితే మంచు హీరోలు ముగ్గురు కూడా ఓ భారీ ప్లాన్ వేసినట్లు తెలుస్తోంది. మోహన్ బాబు తన కొడుకులతోనే మల్టీస్టారర్ సినిమా చేయబోతున్నారని టాక్. ఆ మల్టీస్టారర్ కూడా సొంత బ్యానర్లో ఉండబోతుందట. ఇదివరకే మంచు హీరోలు కలిసి 'పాండవులు పాండవులు తుమ్మెద' అనే సినిమా చేశారు. ఆ సినిమా ఆశించిన ఫలితం తేలేదు. ఆ తర్వాత మంచు ఫ్యామిలీ కలిసి మళ్లీ నటించలేదు. ఇక ఇప్పుడు ఎలాగైనా మంచి సక్సెస్ అందుకోవాలని ఈ ఫ్యామిలీ నిశ్చయించుకున్నారట. ఇక ఈ సినిమాను వచ్చే ఏడాది విడుదల చేయాలని మోహన్ బాబు ప్లాన్ చేస్తున్నారని సమాచారం. చూడాలి మరి కలిసికట్టుగా అయినా హిట్టు కొడతారేమో..!