పూల్ లో ఆడుకుంటున్న మంచు బేబీస్

ఫ్యాన్స్ తో టచ్ లో ఉండడం విషయంలో.. తన ఫీలింగ్స్ ని అభిమానులతో షేర్ చేసుకోవడంలో మంచు హీరోయిన్ లక్ష్మీ ప్రసన్న బాగా యాక్టివ్. అటు సినిమాల సంగతులైనా.. ఇటు సోషల్ అవేర్ నెస్ గురించి అయినా.. వెంటనే రియాక్ట్ అయిపోతూ ఉంటుంది. మధ్యమధ్యలో తన కూతురు విద్యా నిర్వాణ ఫోటోలను కూడా షేర్ చేస్తూ ఉంటుంది లక్ష్మి మంచు.

ప్రస్తుతం ఈ మంచు బ్యూటీ తన కూతురుతో కలిసి దక్షిణాఫ్రికాలో ఎంజాయ్ చేస్తోంది. అక్కడి నుంచి తన ఆనందాన్ని అభిమానులతో పంచుకోవడంలో భాగంగా ఓ ఫోటో షేర్ చేసింది. కూతురుతోపాటు స్విమ్మింగ్ పూల్ లో లక్ష్మి మంచు ఆడుకుంటున్న ఫోటో ఇది. మోహన్ బాబుకి బేబీ మంచు లక్ష్మి.. ఈ బేబీకి బేబీ అయిన నిర్వాణ.. ఇద్దరు పూల్ ఒడ్డున భలే ఎంజాయ్ చేస్తున్నారు. 'మీరు ఎప్పుడైనా సౌత్ ఆఫ్రికా వెళ్తే.. ప్రతీ అందమైన క్షణాన్ని కేప్చర్ చేయడం మర్చిపోవద్దు' అంటూ పెట్టిన కామెంట్ కూడా సూపర్బ్ గా ఉంది. లక్ష్మి మంచు భర్త ఆనంద్ శ్రీనివాసన్ కాగా.. విద్యా నిర్వాణ వయసు ప్రస్తుతం రెండున్నరేళ్లు. 2015.. జూన్ 15న.. సరోగసీ ద్వారా విద్యా నిర్వాణ జన్మించింది. అదే తేదీ ఈ బుజ్జాయి వాళ్ల నాన్న పుట్టిన రోజు కావడం విశేషం.

మరోవైపు.. మంచు లక్ష్మి నటించి లేటెస్ట్ మూవీ లక్ష్మీ బాంబ్.. పలు వాయిదాల తర్వాత ఎట్టకేలకు ఈ నెల 24న థియేటర్లలోకి వచ్చేస్తోంది. ఈమూవీలో ఈమె చేసిన పాత్ర చాలా పవర్ ఫుల్ అని.. అందుకే లక్ష్మీ బాంబ్ అనే టైటిల్ పెట్టారని టాక్.

Like Us on Facebook : https://www.facebook.com/Tupakidotcom/