ఈ పిల్ల సమంతలా కనిపిస్తోందే!

మలయాళ కుట్టి మంజిమా మోహన్ టాలీవుడ్ లోకి కూడా వచ్చేస్తోంది. మల్లూవుడ్ లో చైల్డ్ ఆర్టిస్ట్ గా చాలా ఏళ్లుగా ఉండడంతో.. హీరోయిన్ గా కెరీర్ ప్రారంభంలోనే హిట్ కొట్టేసిన ఈ బ్యూటీ.. ఇప్పుడు తమిళంలోనే బాగానే చెలరేగిపోతోంది. అక్కినేని నాగచైతన్య సరసన హీరోయిన్ గా సాహసం శ్వాసగా సాగిపో మూవీతో.. ఈ నెల 11న టాలీవుడ్ ప్రేక్షకుల ముందుకు వస్తోంది మంజిమ.

ట్యాలెంట్ విషయంలో అయితే.. మంజిమా మోహన్ కు వంక పెట్టే ఛాన్స్ లేదు. లుక్స్ విషయంలో కూడా మంచి మార్కులే పడుతున్నాయి. తెలుగు తమిళంలో రిలీజ్ అవుతున్న సాహసం మూవీ కోసం.. తెగ ప్రచారం చేస్తున్న ఈ చిన్నదానికి.. అప్పుడే సమంతతో పోలికలు మొదలైపోయాయి. పోస్టర్లలో మంజిమా ఫేస్ ను సైడ్ యాంగిల్ నుంచి చూసి.. సమంత అనిపించేస్తోందిగా అనే కామెంట్స్ పడుతున్నాయి.

టాలీవుడ్ లో సమంత తన కెరీర్ స్పీడ్ తగ్గించుకున్న టైమ్ లో.. సరిగ్గా అదే సమయానికి మంజిమ ఎంట్రీ ఇస్తుండడం గుర్తుంచుకోవాల్సిన విషయం. ఇప్పటికైతే పర్సనాలిటీ హెవీగా ఉండడం అమ్మడికి డ్రాబ్యాక్. ఆ ఒక్కదానికై దృష్టి పెడితే మాత్రం.. సమంత రేంజ్ హీరోయిన్ గా ఎదిగేందుకు మంజిమా మోహన్ కు అన్ని అవకాశాలు ఉన్నాయన్నది సినీ జనాల అభిప్రాయం.

Like Us on Facebook : https://www.facebook.com/Tupakidotcom/