ఎనిమిదేళ్ల కిందట వచ్చిన ‘మంత్ర’ సినిమా అప్పట్లో పెద్ద సంచలనం. హార్రర్ సినిమాల్లో కొత్త ట్రెండు సృష్టించిందా సినిమా. ఆ తర్వాత ఈ కోవలో చాలా సినిమాలు వచ్చాయి కానీ.. ఏవీ ఫలితాన్నివ్వలేదు. ఛార్మి కూడా ‘మంగళ’ లాంటి సినిమాల్లో నటించింది కానీ.. అది పెద్దగా ఆడలేదు. ఐతే ఇప్పుడు మంత్ర సినిమాకే సీక్వెల్ రాబోతోంది. ఛార్మినే లీడ్ రోల్ చేసింది. ఫస్ట్ పార్ట్ కు ఓషో తులసీ రామ్ దర్శకత్వం వహించగా.. ఈసారి సతీష్ అనే కొత్త దర్శకుడు రెండో పార్ట్ తీశాడు. చాన్నాళ్ల కిందటే షూటింగ్ పూర్తి చేసుకున్న ఈ సినిమా విడుదల కోసం ఎదురు చూస్తోంది.
ఛార్మి మార్కెట్ బాగా పడిపోవడంతో సినిమా కొనేందుకు ఎవ్వరూ ముందుకు రాని పరిస్థితుల్లోనే ‘మంత్ర’ విడుదలకు నోచుకోలేదని సమాచారం. ఐతే ఈ మధ్య పూరి జగన్నాథ్ లాంటి స్టార్ డైరెక్టర్ తో ‘జ్యోతి లక్ష్మీ’ చేయడంతో ఛార్మికి మళ్లీ కొంచెం క్రేజ్ వచ్చింది. జ్యోతిలక్ష్మీ ఊపులోనే గత నెలే సినిమా విడుదల చేయాలని చూశారు కానీ.. కుదర్లేదు. ఎట్టకేలకు ఈ నెల 31న ‘మంత్ర-2’ విడుదల చేయాలని నిర్ణయించారు. జ్యోతిలక్ష్మీ ఫేమ్ సునీల్ కశ్యప్ ఈ సినిమాకు సంగీతాన్నందించడం విశేషం. ‘మంత్ర’ సినిమాకు ఏమాత్రం తీసిపోని రీతిలో ‘మంత్ర-2’ ఉంటుందని.. ఇది కూడా సూపర్ హిట్టవుతుందని కాన్ఫిడెంట్ గా చెబుతోంది ఛార్మి. మరి ఈసారి ఆమె జనాల్ని ఏమేరకు భయపెడుతుందో చూడాలి.
ఛార్మి మార్కెట్ బాగా పడిపోవడంతో సినిమా కొనేందుకు ఎవ్వరూ ముందుకు రాని పరిస్థితుల్లోనే ‘మంత్ర’ విడుదలకు నోచుకోలేదని సమాచారం. ఐతే ఈ మధ్య పూరి జగన్నాథ్ లాంటి స్టార్ డైరెక్టర్ తో ‘జ్యోతి లక్ష్మీ’ చేయడంతో ఛార్మికి మళ్లీ కొంచెం క్రేజ్ వచ్చింది. జ్యోతిలక్ష్మీ ఊపులోనే గత నెలే సినిమా విడుదల చేయాలని చూశారు కానీ.. కుదర్లేదు. ఎట్టకేలకు ఈ నెల 31న ‘మంత్ర-2’ విడుదల చేయాలని నిర్ణయించారు. జ్యోతిలక్ష్మీ ఫేమ్ సునీల్ కశ్యప్ ఈ సినిమాకు సంగీతాన్నందించడం విశేషం. ‘మంత్ర’ సినిమాకు ఏమాత్రం తీసిపోని రీతిలో ‘మంత్ర-2’ ఉంటుందని.. ఇది కూడా సూపర్ హిట్టవుతుందని కాన్ఫిడెంట్ గా చెబుతోంది ఛార్మి. మరి ఈసారి ఆమె జనాల్ని ఏమేరకు భయపెడుతుందో చూడాలి.