ట్రైలర్ టాక్: మేడమీద మామూలు అబ్బాయ్

ఈ మధ్యకాలంలో ఎన్ని సినిమాలు చేసినా కూడా అవన్నీ బాక్సాఫీస్ దగ్గర తిప్పికొట్టడంతో ఇప్పుడు ఒక రీమేక్ సినిమాను నమ్ముకున్నాడు అల్లరి నరేష్‌. మలయాళంలో హిట్టయిన 'ఒరు వడక్కన్ సెల్ఫీ' అనే సినిమాను తెలుగులో ఇప్పుడు ''మేడ మీద అబ్బాయి'' పేరుతో రీమేక్ చేస్తున్నారు. మలయాళంలో ఈ సినిమాను తీసిన ప్రజిత్ ఇక్కడ కూడా డైరక్ట్ చేశాడు.

నిజానికి మొన్న టీజర్ తో అల్లరి నరేష్‌ చాలా ఇంప్రెస్ చేశాడనే అనుకుంటే.. ఇప్పుడు ట్రైలర్ తో మాత్రం అంతకంటే బెటర్ గా ఏమీ చూపించలేకపోయాడు. ఎందుకంటే ఇక్కడ కూడా అదే సేమ్ కామెడీ కనిపిస్తోంది. ముఖ్యంగా జబర్ దస్త్ తో పాపులర్ అయిన హైపర్ ఆది.. అలాగే సత్యం రాజేష్‌ డైలాగులు కాస్త హైలైట్ అయిపోయాయ్. కాని మొత్తంగా చూస్తే మాత్రం సినిమా అంతా ఏదో జబర్ దస్త్ కామెడీ పంచుల అల్లికలా ఉంది. కాకపోతే సినిమాటోగ్రాఫి బాగుంది అంతే. కాని ఒక స్మూత్ లవ్ స్టోరీ సినిమాలో బాగా డామినేట్ చేసుందని అర్ధం చేసుకోవచ్చు. హీరోయిన్ నిఖిల విమల్ పెద్దగా ఇంప్రెస్ చేయలేదు కాని పర్లేదు. డైరక్టర్ అవ్వాలనుకునే ఒక యువకుడు ఎటవంటి కష్టలాను పడ్డాడు.. ఒక ప్రేమకథ అతని జీవితంలోకి తెచ్చే ట్విస్టులే ఈ సినిమా. వెరసి ఇవన్నీ కలిపి ఈ మేడమీద అబ్బాయిని మామూలు అబ్బాయిగానే చూపిస్తున్నాయి.

ఇకపోతే మేడ మీద అబ్బాయి సినిమాను సెప్టెంబర్ 8న రిలీజ్ చేస్తున్నారు. నాగ చైతన్య యుద్దం శరణం సినిమాతో ఈ మూవీ పోటీపడనుంది.

Full View