బంగారం ప్ర‌య‌త్నాలు ఎప్ప‌టికి ఫ‌లించేను?

ప‌వ‌ర్ స్టార్ ప‌వ‌న్ క‌ల్యాణ్ స‌ర‌స‌న `బంగారం` చిత్రంలో న‌టించింది మీరా చోప్రా. ఈ సినిమాని చేయ‌లేను అని ప‌వ‌న్ తిర‌స్క‌రించినా అప్ప‌టికే త‌మిళంలో హిట్ కొట్టిన డైరెక్ట‌ర్ ధ‌ర‌ణి ప‌వ‌న్ ని బ‌ల‌వంతంగా ఒప్పించారు. చివ‌రికి ప‌వ‌న్ తో బంగారం మొద‌లైంది. అందాల మీరా చోప్రాని క‌థానాయిక‌గానూ ఎంపిక చేసుకుంది చిత్ర‌బృందం.

ఇక ఈ సినిమాలో ప‌వ‌న్ న‌ట‌న ఆక‌ట్టుకుంటుంది. అలాగే మీరా అంద‌చందాల ట్రీట్ అంతా ఇంతా కాదు. కానీ సినిమా ప‌వ‌న్ ఊహించిన విధంగానే ఫ్లాపైంది. ఆ త‌ర్వాత `వాన` అనే చిన్న చిత్రంలోనూ మీరా అవ‌కాశం ద‌క్కించుకుంది. ఆ సినిమా హిట్ట‌యినా అది త‌న‌కు క‌లిసి రాలేదు. త‌ర్వాత మీరా బాలీవుడ్ లోనూ న‌టించింది. ఇప్ప‌టికీ మీరాకు కెరీర్ ప‌రంగా స‌రైన క్లారిటీ మిస్స‌య్యింది.

ఇటీవ‌ల‌ మీరా ఇన్ స్టా వేదిక‌గా రెగ్యుల‌ర్ ఫోటోషూట్ల‌ను షేర్ చేస్తోంది. అయితే ఇవేవీ త‌న‌కు అవ‌కాశాల్ని క‌ల్పిస్తున్న‌ట్టు లేదు. మునుప‌టితో పోలిస్తే డిజిట‌ల్ మాధ్య‌మంలో అవ‌కాశాలు పెరిగాయి. వెబ్ సిరీస్ ల‌లో అవ‌కాశాలొస్తున్నా మీరా ఆ దిశ‌గా ఆలోచిస్తున్న‌ట్టు లేదు. మీరా ప్ర‌స్తుతం మొగ‌లి పువ్వు అనే తెలుగు సినిమాలో చేస్తోంది. నాస్తిక్ అనే హిందీ చిత్రంలోనూ న‌టిస్తున్నా వీటికి సంబంధించిన స‌రైన అప్ డేట్ రాలేదు.