ఇస్మార్ట్ బ్యూటీ అందమైన కోరిక..!

ఇండస్ట్రీలో చాలాసార్లు లక్ ఫేవర్ చేస్తే.. కొన్నిసార్లు మాత్రమే టాలెంట్ పని చేస్తుందని అనుకోవచ్చు. అలా ఎందుకు అంటే అందం అభినయం ఉన్న చాలా మందికి అవకాశాలు ఉండవు. కానీ ఎవరికైతే లక్ తోడవుతుందో వారికి వరుస అవకాశాలు వస్తాయి. అయితే అలాంటి అన్ లక్కీ హీరోయిన్స్ లో ఇస్మార్ట్ బ్యూటీ నభా నటేష్ ఒకరు. తెలుగులో అమ్మడు చేసిన సినిమాలతో ఆమెకు ఒక ఇమేజ్ ఏర్పడింది. యువ హీరోలతో జోడీ కట్టిన నభా నటేష్ ప్రస్తుతం ఛాన్సులు లేక ఖాళీగా ఉంటుంది.

నటనతోనే కాదు అందంతో కూడా మెప్పించాలని అమ్మడు చేస్తున్న ప్రయత్నాలు అలరిస్తున్నాయి. సుధీర్ బాబు నన్ను దోచుకుందువటే సినిమాతో తెలుగు తెరకు పరిచయమైన నభా ఆ తర్వాత వరుస సినిమాలతో కెరియర్ లో జోష్ కనబరచింది. పూరీ జగన్నాథ్ డైరక్షన్ లో వచ్చిన ఇస్మార్ట్ శంకర్ సినిమాలో తన మాస్ పాత్రలో అదరగొట్టింది నభా నటేష్. ఆ సినిమాతో సూపర్ హిట్ కొట్టి సాయి ధరం తేజ్. బెల్లంకొండ శ్రీనివాస్ సినిమాల్లో ఛాన్స్ దక్కించుకుంది అమ్మడు. సోలో బ్రతుకే సో బెటర్, అల్లుడు అదుర్స్ రెండు సినిమాలు బాక్సాఫీస్ దగ్గర బోల్తా కొట్టడంతో నభా నటేష్ కెరియర్ లో వెనకపడ్డది.

చివరగా నితిన్ మ్యాస్ట్రో సినిమాలో కనిపించిన నభా ఆ సినిమా కూడా యావరేజ్ గా నిలవడంతో పెద్దగా ఛాన్సులు రాలేదు. అయితే సినిమా అవకాశాలు వచ్చినా రాకపోయినా తనకు వచ్చిన ఈ కొద్దిపాటి ఐడెంటిటీతోనే సోషల్ మీడియాలో సందడి చేస్తుంది నభా నటేష్. తన క్రేజీ ఫోటో షూట్స్ తో ఫాలోవర్స్ ని ఎట్రాక్ట్ చేస్తుంది అమ్మడు. లేటెస్ట్ గా ప్రతిరోజు ఇలానే నిద్ర లేవాలని కోరుకుంటున్నా అంటూ అంటూ ఓ వీడియోని షేర్ చేసింది.   

హీరోయిన్స్ ఖాళీగా ఉంటే చాలు చేస్తే ఫోటో షూట్స్ లేదా ఇన్ స్టా రీల్స్ తో అలరిస్తున్నారు. ఆడియన్స్ ని తమ బుట్టలో వేసుకునేందుకు ఎలాంటి ఛాన్స్ వదలట్లేదు అందాల భామలు. ఇస్మార్ట్ బ్యూటీ కూడా తన ఫాలోవర్స్ కోసం రకరకాల ఫోటో షూట్స్, ఇన్ స్టా రీల్స్ ని చేస్తుంది. ప్రస్తుతం నభా నటేష్ ఎర్లీ మార్నింగ్ వీడియో ఆడియన్స్ ని అలరిస్తుంది. కెరియర్ అంత సంతృప్తికరంగా లేకపోయినా సరే ఆమె చేస్తున్న ఈ ఫోటో షూట్స్ వల్ల సోషల్ మీడియాలో తన పేరు వినిపిస్తూనే ఉంది. వరుస ఫ్లాపుల వల్ల కెరియర్ డైలమాలో పడగా ఇక మీదట కథల విషయంలో స్ట్రిక్ట్ గా ఉండాలని అనుకుంటుంది నభా నటేష్. మరి అమ్మడి టాలెంట్ ని గుర్తించి ఏ డైరక్టర్ ఛాన్స్ ఇస్తారో చూడాలి.