చేతి నిండా సినిమాలున్నా క్రేజీ హీరోయిన్ గా మారడం లేదే..!

యంగ్ బ్యూటీ నభా నటేష్ 'నన్ను దోచుకుందువటే' సినిమాతో టాలీవుడ్ కి పరిచయమైంది. ఈ సినిమా ప్లాప్ అవడం వల్ల నభా కి పెద్దగా గుర్తింపు దక్కలేదు. ఆ తర్వాత 'అదుగో' సినిమాలో నటించినా లాభం లేకుండా పోయింది. అయితే పూరీ జగన్నాథ్ దర్శకత్వంలో తెరకెక్కిన 'ఇస్మార్ట్ శంకర్' చిత్రంతో ఇస్మార్ట్ బ్యూటీ అనిపించుకుంది. తన గ్లామర్ తో కుర్రకారుకి మత్తెక్కెంచిన ఇస్మార్ట్ బ్యూటీ ఒక్కసారిగా క్రేజీ హీరోయిన్ గా మారిపోయింది. దీంతో టాలీవుడ్ లో స్టార్ హీరోయిన్ రేంజ్ కి వెళ్తుందని అందరూ అనుకున్నారు. అయితే వెంటనే నభా నటించిన 'డిస్కోరాజా' సినిమా ప్లాప్ అవడమే కాకుండా కాస్తో కూస్తో పేరు కూడా పాయల్ రాజ్ పుత్ కొట్టేసింది.

ఇక సాయి ధరమ్ తేజ్ సరసన 'సోలో బ్రతుకే సో బెటర్' సినిమాలో హీరోయిన్ గా నటించింది నభా. ఈ సినిమా డిసెంబర్ 25న విడుదల కానుంది. అలానే బెల్లకొండ శ్రీనివాస్ హీరోగా నటిస్తున్న 'అల్లుడు అదుర్స్' సినిమాలో నటిస్తోంది. ఈ క్రమంలో నితిన్ హీరోగా నటించనున్న 'అంధాదున్' తెలుగు రీమేక్ లో హీరోయిన్ గా ఎంపిక అయింది. అయితే ఈ భామ చేతిలో సినిమాలు బాగానే ఉన్నాయి కానీ స్ట్రైకింగ్ రోల్స్ మాత్రం రావ‌డం లేదనే కామెంట్స్ వినిపిస్తున్నాయి. నితిన్ సినిమాలో నభా హీరోయిన్ అయినప్పటికీ ఆమెది పెద్దగా ప్రాధాన్యత లేని రోల్. దీంతో ఈ బ్యూటీ 'సోలో బ్ర‌తుకే సో బెట‌ర్' మీద ఈ బ్యూటీ ఫుల్ హోప్స్ పెట్టుకుందని తెలుస్తోంది. సినిమా హిట్ అయితే మాత్రం ఈ బ్యూటీ తెలుగులో టాప్ లీగ్ హీరోయిన్ అయ్యే అవ‌కాశం ఉంది. మరి అమ్మడి కెరీర్ ఎలా ఉంటుందో చూడాలి.