ప్రభాస్ కోసం మహేష్ హీరోయిన్ ని తీసుకొస్తున్నారా...?

యంగ్ రెబల్ స్టార్ ప్రభాస్ ప్రస్తుతం 'రాధే శ్యామ్' సినిమా కంప్లీట్ చేసే పనిలో ఉన్నాడు. రాధా కృష్ణ కుమార్ దర్శకత్వంలో తెరకెక్కుతున్న ఈ సినిమా ఫస్ట్ లుక్ ఇటీవల విడుదలై విశేష స్పందన తెచ్చుకుంది. ఈ సినిమా సెట్స్ మీద ఉండగానే ప్రభాస్ తన కెరీర్లో 21వ చిత్రాన్ని అధికారికంగా ప్రకటించిన విషయం తెలిసిందే. వైజయంతీ మూవీస్ బ్యానర్ పై అశ్వినీ దత్ ఈ చిత్రాన్ని నిర్మిస్తుండగా.. ఆయన అల్లుడు నాగ్ అశ్విన్ దర్శకత్వం వహించనున్నారు. సైన్స్ ఫిక్షన్ జోనర్ లో తెరకెక్కబోతున్న ఈ సినిమాని భారీ బడ్జెట్ తో నిర్మించనున్నారు. పాన్ ఇండియా స్టార్ అనిపించుకున్న ప్రభాస్ ఈ సినిమాతో పాన్ ఇంటర్నేషనల్ స్టార్ గా మారబోతున్నాడు. దేశ విదేశాల్లో ప్రభాస్ కి ఉన్న క్రేజ్ ని దృష్టిలో పెట్టుకొని ఈ చిత్రాన్ని అంతర్జాతీయ స్థాయిలో విదేశీ భాషల్లో కూడా విడుదల చేయాలని చిత్ర యూనిట్ ప్లాన్ చేస్తున్నారట. ఇక ఈ సినిమాలో ప్రభాస్ కి జోడీని వెతికే పనిలో ఉన్నాడు నాగ్ అశ్విన్. ఈ సినిమా అనౌన్స్ చేసినప్పటి నుంచి హీరోయిన్ విషయంలో రోజుకొక న్యూస్ వస్తూనే ఉంది. ముందుగా బాలీవుడ్ బ్యూటీ దీపికా పడుకునే అని.. ఆ తర్వాత కత్రినా కైఫ్ అని వార్తలు వచ్చాయి. ఇప్పుడు లేటెస్టుగా మరో బాలీవుడ్ బ్యూటీ పేరు తెరపైకి వచ్చింది.

కాగా ప్రభాస్ 21 కోసం కియారా అద్వానీని సంప్రదిస్తున్నారట. సూపర్ స్టార్ మహేష్ బాబు నటించిన 'భరత్ అనే నేను' చిత్రంతో టాలీవుడ్ బాట పట్టిన కియారా అద్వానీ.. తొలి చిత్రంతోనే తెలుగు ప్రేక్షకులకు బాగా దగ్గరైంది. ఇక 'కబీర్ సింగ్' సినిమాతో స్టార్ హీరోయిన్ గా మారిపోయింది. ఈ నేపథ్యంలో కియారా అయితే ప్రభాస్ కి జోడీగా బాగుంటుందని భావించిన నాగ్ అశ్విన్ ఆమెని కాంటాక్ట్ అయ్యారట. చేతినిండా ప్రాజెక్ట్స్ తో బిజీగా ఉన్న కియారా ఈ సినిమాకి గ్రీన్ సిగ్నల్ ఇస్తుందేమో చూడాలి. కాగా కియారా ప్రస్తుతం కార్తీక్ ఆర్యన్ తో కలిసి 'భూల్ భూలైయా 2' చిత్రంలో నటిస్తోంది. అలానే 'ఇందూ కి జవానీ' మరియు అక్షయ్ కుమార్ - సిధార్థ్ మల్హోత్రా హీరోలుగా నటించనున్న 'షెర్షా' సినిమాలో కనిపించనుంది. ఇక రాఘవ లారెన్స్ దర్శకత్వంలో కియారా అద్వానీ - అక్షయ్ కుమార్ నటించిన 'లక్ష్మీ బాంబ్' త్వరలో ఓటీటీలో రిలీజ్ కానుంది.